Bildiyimiz kimi, ChatGPT süni intellekt çatbotunun yaradıcısı OpenAI süni intellektin müharibələrdə istifadəsini qadağan edirdi. Lakin indi OpenAI süni intellektdən istifadə qaydalarını dəyişmək qərarına gəlib. Beləliklə süni intellekt texnologiyası artıq hərbi və müharibə məqsədləri üçün açıq şəkildə istifadə oluna biləcək. Qeyd edək ki, süni intellekt nəhəngi istifadə qaydalarını “daha aydın olmaq və xidmətə daha çox xüsusi təlimat vermək üçün” 10 yanvar tarixində yeniləyib.
OpenAI süni intellekt texnologiyasının müharibələrdə istifadəsini indi qadağan etməsə də, şirkət hələ də böyük LLM dil modellərindən zərər verə biləcək hər hansı bir şey üçün istifadə olunmasını qadağan edir. Bundan əlavə OpenAI şirkəti “silah hazırlamaq və ya istifadə etmək” üçün dil modellərindən istifadə etməmək barədə istifadəçilərə xəbərdarlıq edir. Daha əvvəl isə hərbi və müharibə məqsədləri üçün də şirkət eyni xəbərdalığı edirdi. Hələlik süni intellekt açıq şəkildə müharibədə istifadə olunmasa da, bu dəyişiklikdən sonra süni intellekti müharibələrdə də görə bilərik.
Maraqlısı budur ki, müharibələrin gündəm olduğu bu dövrdə OpenAI ani olaraq müharibədə süni intellektin istifadəsi lehinə qərar dəyişikliyi edib. Xatırladaq ki, Qəzza və İsrail arasında gedən müharibədə süni intellektin müxtəlif video və görüntülərdə istifadə edildiyini görmüşdük. Qərar dəyişikliyi edilsə də, şirkətin hazırda silah olaraq istifadə ediləcək hər hansı süni intellekt əsaslı məhsulu yoxdur. OpenAI-nin sözçüsü Niko Felix siyasət mətnindəki dəyişiklik barədə soruşduqda deyir ki, şirkət “həm yadda saxlamağı asan, həm də tətbiq etməsi asan olan bir sıra universal prinsiplər yaratmağı hədəfləyir”.
