Uzun müddətdir ki, oyun həvəskarları özlərinin şəxsi Steam kitabxanalarına müxtəlif qiymətlərdə və müxtəlif kateqoriyalarda oyunlar alırlar. Hətta bir çox insan Steam hesablarında olan minlərlə oyun ilə digər istifadəçilərdən fərqlənir. Bəs sizcə Steam kitabxanasında olan bütün oyunların dəyəri nə qədərdir. Məhz bu sualın cavabı olaraq Steam kitabxanasındakı bütün oyunların ümumi qiyməti açıqlanıb.
Wang Chengang adlı həvəskar və tərtibatçı, Steam kitabxanasında mövcud olan bütün oyunlar haqqında məlumat yoplayaraq kiçik bir skript hazırlayıb. Belə ki, məhz bu skript ilə o Steam kitabxanasıdakı kitabxanasındakı bütün oyunların ümumi qiyməti sualına cavab tapa bilib. Qeyd edək ki, 2024-cü ilin yanvarında kitabxanada mövcud olan oyunların ümumi qiyməti 974810 dollardır. Əgər endirimlərlə mümkün qədər çox oyunu əldə etməyə çalışsanız bütün oyunların ümumi qiyməti 658910 dollar olacaq.
Steam-dəki bütün oyunlar üçün bu qədər pul xərcləməyə dəyib-dəymədiyi isə mübahisəli mövzudur. Hələlik Steam platformasındakı bütün oyunlara sahib istifadəçi olmasa da, bəlkə də gələcəkdə belə kolleksiyaçı ortaya çıxacaq. Onu da qeyd edək ki, 2024-cü ilin əvvəlində Steam istifadəçilərinin sayı yenilənib və yeni göstərici 33675000 olaraq təyin olunub. Görünən odur ki, Steam hələ də öz populyarlığını davam etdirir.
