Ötən ay çində təqdim edilən yeni Redmi Note 13 seriyası artıq qlobal bazarda satışdadır. Belə ki, Xiaomi brendinin yeni orta seqmentli smartfon seriyasının yaxın müddətdə Çindən fərqli bazarlarda da satışa çıxarılacağı elan edilmişdi. İndi isə yeni smartfon seriyası ilk olaraq Hindistanda qlobal bazarda satışa çıxarılıb. Onu da qeyd edək ki, smartfonlar artıq HyperOS sisteminə sahib olaraq qlobal bazarda istifadəçilərə təqdim edilir. Hələlik smartfonlar qutudan MIUI ilə çıxsa da, yeni interfeys yaxın günlərdə təqdim ediləcək yenilənmə ilə bütün smartfonlara gələcək.
İlk öncə qeyd edək ki, qlobal bazara çıxan 5G variantları Çin bazarındakı modellərlə eynidir. Əvvəlki məlumatlar isə Note 13 4G və Note 13 Pro 4G ilə bağlı bütün vacib detalları və bəzi texniki xüsusiyyətləri ortaya qoyub. Note 13 4G-də 33 Vatt doldurma ilə 5000 mAh batareya və 108 MP əsas kamera gətirir. Snapdragon 685 prosessoru ilə təchiz edilmişdir. Note 13 Pro 4G-də Helio G99-Ultra çipseti, 67 Vatt sürətli enerji doldurma ilə 5000 mAs batareya və optik sabitləşməli 200 MP əsas kamera var. Note 13 5G-də 33 Vatt şarj ilə 5000 mAs batareya, 108 MP əsas kamera və stereo dinamiklər var. Dimensity 6080 çipseti ilə təchiz edilib. Note 13 Pro 5G Snapdragon 7s Gen 2 çipi ilə təchiz edilib, 4 GB virtual operativ yaddaşa və 200 MP kameraya malikdir. Hər iki telefonda daxili barmaq izi sensoru ilə FHD+ 120Hz AMOLED ekran olacaq.
Redmi Note 13 Pro+ 5G modeli 1,5K təsvir ölçülü əyri kənarları olan AMOLED panel, 120Hz yeniləmə tezliyi və displeydaxili barmaq izi sensoruna malikdir. O, 200 MP əsas kamera, 120 Vatt sürətli enerji doldurma ilə 5000 mAs batareya, Dimensity 7200-Ultra çipseti və IP68 qorumasına malikdir.
Qiymət tərəfində isə Redmi Note 13 seriyası altında təqdim edilən Redmi Note 13 Pro və Note 13 Pro+ müvafiq olaraq 393 avro və 449 avro qiymət etiketləri ilə satışa çıxarılıb. O cümlədən ən münasib Redmi Note 13 modelinin 6-128GB versiyası 280 avro, 8-256GB versiyası isə 300 avroya yaxın qiymət ilə təklif olunur. Ümumiyyətlə Redmi Note seriyası Xiaomi brendinin ən sərfəli smartfon seriyaları daxilində ən çox tələbat görən və ən məşhuru hesab olunur. Yaxın günlərdə smartfon seriyası daha çox qlobal bazara açılacaq.
