Microsoft bu yaxınlarda məşhur ChatGPT çatbotuna Bing axtarış sisteminə gətirdi. Bu yeniləmənin məqsədi istifadəçilərə süni intellektin köməyi ilə daha yaxşı axtarış təcrübəsi təqdim etmək idi. Şirkət bu gün Windows 11 üçün ChatGPT əsaslı çox vacib bir yeniləmə gətirdiyini açıqlayır. Belə ki, bu yeniləmə ChatGPT-də gördüyümüz OpenAI texnologiyasına əsaslanır. Yenilik axtarış sisteminin istifadəsinin asanlığını artırmağı hədəfləyən Bing ilə birlikdə əməliyyat sisteminin bir parçasına çevriləcək.
Yeni yeniləmə ilə süni intellektlə dəstəklənən Bing birbaşa tapşırıqlar panelinə əlavə olunacaq. Bu, bütün axtarış ehtiyaclarınızı tapmaq üçün asan bir yerdən yerinə yetirməyə imkan verir deyə, Microsoft bildirir: “Axtarış qutusu hər ay yarım milyarddan çox istifadəçisi olan Windows-da ən çox istifadə edilən funksiyalardan biridir. İndi isə süni intellektlə işləyən Bing ilə siz axtardığınız cavabları əvvəlkindən daha sürətli tapa biləcəksiniz”
Onu da əlavə edək ki, bu yeniliyi hər kəs əldə etməyəcək. Tapşırıqlar panelindən istifadə etmək üçün siz yeni Bing-in ilkin təcrübədən keçirənlər siyahısında olmalısınız. Buradakı link vasitəsilə şirkətin yaratdığı gözləmə siyahısına keçmək mümkündür. Microsoft əlavə edir ki, tezliklə yüz milyonlarla Windows 11 istifadəçisi ChatGPT əlavə edilmiş yeni axtarış texnologiyasından istifadə edə biləcək.1 milyondan çox istifadəçi tərəfindən sınaqdan keçirilmiş yeni Bing, son bir neçə həftədə 13 illik ömründə gördüyünüdən, daha çox diqqət çəkib.
Süni intellektlə işləyən Bing isə müxtəlif şərhlər alır. Bəzi istifadəçilər bunu olduqca uğurlu və görür, bəziləri isə narahatlıq yaradan nəticələr gördüklərini dedi. Bəziləri məlumatlarda süni intellektin yalan informasiya verdiyi, hətta təhqiramiz ifadələrlə qarşılaşdığını deyir. Buna baxmayaraq, belə bir inkişafın axtarış sistemlərinin gələcəyi üçün çox vacib olduğunu söyləmək səhv olmaz.
Qeyd etmək lazımdır ki, Microsoft, həmçinin iOS üçün telefon bağlantısı dəstəyini də təkmilləşdirmək üzərində işləyir, təkmilləşdirilən xüsusiyyət tam hazır olduqda Windows 11 əməliyyat sistemi ilə iPhone istifadəçiləri cihazlarını rahatlıqla Windows kompüterə bağlaya biləcəklər.
