Elon Musk TikTok, Instagram və YouTube kimi sosial media platformalarında milyonlarla izləyicisi olan fenomenlərin əvvəllər istifadə etdiyi ilk mobil tətbiqlərdən biri olan Vine-ı yenidən istifadəyə buraxır. Twitter şirkətinin yeni sahibi Elon Musk tərəfindən keçirilən sorğu xeyli səs toplayıb və tərtibatçılara Vine 2.0 üzərində işə başlamaq tapşırılıb.
Twitter platforması 2012-ci ildə qısa video paylaşma proqramı Vine platformasını almışdı. TikTok-un hələ olmadığı və Vine-ın çox populyar olduğu bir vaxtda reallaşan bu satınalma sonrası platformanın yararlılığı getdikcə azaldı və nəhayət 2016-cı ildə bağlandı. Vine, istifadəçilərə 6 saniyəlik təkrarlanan video kliplər çəkməyə və paylaşmağa imkan verən sosial şəbəkə platforması idi.
Vine 2.0-ın yenidən buraxılması məşhur video paylaşım tətbiqi TikTok ilə rəqabətə yaxşı təsir edə bilər. Twitter mühəndisləri bağlandıqdan sonra dəyişməmiş Vine kod bazasını yenidən nəzərdən keçiriblər. Axios-dan verilən məlumata görə, yeni Vine-ın inkişafı xeyli zaman alacaq. Dəyişdirilməli və yenilənməli olan çoxlu məqamlar var.
Əlavə olaraq bildirək ki, Musk 44 milyard dollarlıq Twitter alışını ötən cümə günü tamamladı və şirkətin yeni CEO-su təyin etdi. Daha sonra Parag Agrawal, CFO Ned Segal və Vijaya Gadde kimi bir neçə yüksək vəzifəli şəxsi işdən çıxardı. Musk direktorlar şurasından da xilas oldu və hazırda Twitter-in yeganə icraçı direktorudur. Muskın bununla kifayətlənməyəcəyi və bir çox işçinin işdən çıxaracağı məlumdur. Bəs siz yenidən istifadəyə buraxılacaq Vine-ı istifadə edərsinizmi?
