Mesajlaşma tətbiqləri arasında xüsusi yerə malik olan Telegram tətbiqinin ödənişli abunəlik alacağına dair xəbərlər daha əvvəl paylaşmışdıq. Belə ki, bu yeniliyin çox uzaqda olmadığına təsdiqləyən yeni məlumatlar ortaya çıxıb. Telegram baş icraçı direkotru Pavel Durov məşhur mesajlaşma tətbiqinə bu ayın sonlarında premium abunəliyin gələcəyini bildirib. Pavel Durov tərəfindən qeyd edilir ki, Premium xüsusiyyəti sizə çox sayda yeni imkan gətirəcək.
Pavel Durov tərəfindən Telegram Premium barədə detallar paylaşılıb
İlk öncə qeyd etmək lazımdır ki, indiyə qədər Telegram tətbiqinin sadə versiyasını işlətmiş şəxslər bu yenilikdən təsirlənməyəcəklər. Onlar tətbiqin hal-hazırda mövcud olan xüsusiyyətlərini həmişəki kimi istifadə edə biləcəklər. Telegram Premium isə tətbiqin pulsuz versiyasına görə əlavə yeniliklərə sahib olacaq. Gələcək vaxtlarda Telegram tətbiqinin pulsuz versiyasına da müəyyən yeniliklər əlavə ediləcək. Hətta ilk vaxtlar bəzi Premium funksiyaların pulsuz istifadəçilər tərəfindən işlədilməsinin mümkün olacağı gözlənilir. İndi isə gəlin biraz Premium abunəliyinin hansı yeniliklər gətirdiyi ilə biraz tanış olaq.
Ötən ay iOS cihazlar üçün yayımlanmış Beta variantında Telegram Premium abunəliyi ortaya çıxmışdı deyə az da olsa tətbiqin beta variantında əlavə ödənişin istifadəçiyə hansı yenilikləri gətirəcəyi ilə tanış olmuşduq. İlkin mərhələdə Premium abunəlikdən yararlanan istifadəçilər fərqləndirici etiketlərə, söhbətdə Premium istifadəçi olduğunu göstərən simgəyə, böyük fayl həcmlərini paylaşma dəstəyinə, yüksək yükləmə sürətinə, özünəməxsus effektlərə və.s sahib olacaqlar.
Premium abunəlikdən bəhs ediriksə nə qədər ödəniş etməli olduğumuz da əsas məsələlərdən biridir. Pavel Durov bu barədə heç bir məlumat verməyib. Ödənişlə bağlı detallar sirr olaraq qalıb. Tətbiqin beta variantını analiz edən şəxslərin verdiyi məlumata görə ödənişli abunəliyin qiyməti təqribi 4.99 dollar ola bilər.
Digər rəqib servislərdən fərqli olaraq Telegram, istifadəçilərin şəxsi datalarını sataraq gəlir əldə etmir. Bu səbəbdən gəlir gətirə biləcək belə servislərin yaradılmasına ehtiyac yaranır. Pavel Durov-un məqsədi uzun müddət ərzində davamlı gəlir mənbəyi yaradaraq Telegram tətbiqini ayaqda saxlamağın mümkün olduğu sistem formalaşdırmaqdır. Eyni zamanda bu sistem rahatlığa, istifadəçi təcrübəsinə mənfi təsir göstərməməlidir. Telegram Premium bu hədəflərin fonunda hazırlanmış ən yaxşı çıxış yolu olaraq görülür.
