Ötən aylarda yeni MIUI 14 interfeysi qlobal variantda təqdim edilmişdi və yeni interfeysə sahib olacaq cihazlar bəlli olmuşdu. İndi isə bu ilin ikinci rübündə MIUI 14 yenilənməsi alacaq modellərin adları açıqlanıb. Xiaomi, Redmi və Poco brendinə məxsus olan modellərdən ibarət olan siyahıda daha əvvəldən bizə məlum olan smartfonlar yer alır. Ümumi olaraq isə MIUI 14 yeniləməsi sələfindən elə də fərqlənmirdi. Yeni interfeysdə sadəcə bəzi yeni funksiyalar, xüsusiyyətlər əlavə edilmişdi. Xatırladaq ki, yeni interfeys Xiaomi şirkətinin Barselonada keçirdiyi tədbirdə qlobal variantda təqdim edilmişdi. Hətta Xiaomi yeni Xiaomi 13 seriyasının 3 il Android yeniləməsi dəstəyinə və 5 il təhlükəsizlik yenilməsi dəstəyinə sahib olacağını da bildirmişdi.
Yeni MIUI 14 interfeysinə sahib olacaq Xiaomi, Redmi və Poco brendlərinə məxsus cihazlar ilə tanış olmaq üçün saytımızda olan xəbərə keçid edə bilərsiniz. Qeyd edək ki, MIUI 14 interfeysində tətbiqlər və nişanlar daha böyük olmuşdu, smartfonların performansı isə 60%-ə qədər artırılmışdı. Bundan əlavə isə yeni interfeysdə süni intellekt xüsusiyyətli funksiyalar da yer almışdı. Sələfindən daha az yaddaş həcmi tələb edən interfeys bu ilin 2-ci rübündə aşağıdakı cihazlar üçün əlçatan olacaq.
Bu ilin ikinci rübündə MIUI 14 alacaq cihazlar aşağıdakılardır
Xiaomi brendinə məxsus modellər
- Xiaomi Mi 10
- Xiaomi Mi 10 Pro
- Xiaomi Mi 10T
- Xiaomi Mi 10T Pro
- Xiaomi Mi 10T Lite
- Xiaomi Pad 5
Redmi brendinə məxsus olan modellər
- Redmi Note 9 Pro
- Redmi Note 9T
- Redmi Note 9S
- Redmi 9T
- Redmi Note 10 JE
- Redmi Note 10T
- Redmi Note 10S
- Redmi Note 10 5G
- Redmi Note 8 (2021)
- Redmi Pad
Poco brendinə məxsus modellər
- Poco F2 Pro
- Poco F4 GT
- Poco F4
- Poco F3
- Poco X3 Pro
- Poco X3 GT
- Poco X3 NFC
- Poco X4 GT
- Poco M3
- Poco M4 5G
- Poco M5
