Texnologiya nəhənglərindən biri olan Intel şirkətinin yeni Meteor Lake prosessoru NVIDIA qrafik kartlarından və Apple M2 prosessorundan daha güclü ola bilər. Belə ki, yeni prosessorun NVIDIA şirkətinin GeForce GTX 1650 qrafik kartı ilə rəqabət edə biləcək qədər güclü olacağı iddia olunur. Hətta insayderlər bildirir ki, Intel şirkəti Apple ilə də rəqabətə girərək M2 prosessorunu qabaqlaya bilər. Bununla da yeni prosessor ilə təchiz edilmiş noutbuklarda qrafik kartına ehtiyac qalmayacaq. Maraqlısı budur ki, yeni prosessor barədə məlumatlar AMD şirkətinin təşkil etdiyi tədbirdə müqayisə aparılarkən ortaya çıxıb.
Qeyd edək ki, yeni Intel Meteor Lake GPU ilə gələcək prosessorunun 128 EU ilə təqdim ediləcəyi gözlənilir. Lakin bəzi mənbələr yeni prosessorun 64 EU ilə daha aşağı performans göstərəcəyini iddia edir. Lakin 128 EU (Execution Unit) variantında bu prosessor NVIDIA şirkətinin Geforce GTX 1650 qrafik kartı ilə rəqabət edərək möhtəşəm performans göstərə bilər. Lakin insayderlər iddia edir ki, yeni prosessorun performansı GTX 1650 qrafik kartı ilə RTX 3050 qrafik kartı arasında ola bilər.
Həmçinin yeni Intel Meteor Lake GPU təchiz edilmiş prosessoru ilə gələn noutbuklar batareya cəhətdən Apple şirkətinin M2 prosessor əsaslı Macbook Pro modelindən daha uzun ömrlü olacaq. Bununla da Intel şirkəti Apple şirkətinin M2 prosessorunu da qabaqlayacaq. Əslində şirkətin yeni prosessoru texnologiya sahəsində inqilabi yenilik edə bilər. Belə ki, gələcəkdə xarici ekran kartlarına ehtiyac olmaya bilər. Intel artıq bunun üzərində çalışır.
