Bu gün bir çox smartfon, avtomobil və digər cihazlarda istifadə olunan HarmonyOS ən təhlükəsiz mobil əməliyyat sistemi seçilib. Belə ki, bu əməliyyat sistemi EAL6+ təhlükəsizlik sertifikatını əldə edib. Qeyd edək ki, adı çəkilən EAL6+ təhlükəsizlik standartı günümüzdə mövcud olan ən yüksək təhlükəsizlik səviyyəsi hesab olunur. Həmçinin əməliyyat sitemi SGS Brightsight mütəxəssisləri tərəfindən müxtəlif təhlükəsizlik sınaqlarından keçirilib. Test nəticələrinə əsasən isə əməliyyat sistemi ən təhlükəsiz mobil əməliyyat sistemi seçilib.
Beləliklə mütəxəssislər tərəfindən sından keçirilən HarmonyOS əməliyyat sistemi ən təhlükəsiz mobil əməliyyat sistemi olmaqla iOS və digər rəqiblərini ötüb. Əslində bir çox insan iOS əməliyyat sisteminin təhlükəsiz olduğunu hesab etsə də, mütəxəssislər bunun belə olmadığını sübut edib. Maraqlısı budur ki, oxşar vəziyyət daha əvvəl ABŞ Müdafiə nazirliyi üçün hazırlanmış əməliyyat sistemində yaranmışdı. Belə ki, sınaqlardan uğurla keçən bu əməliyyat sistemi ən təhlükəsiz əməliyyat sistemi olduğu üçün NASA tərəfindən istifadə olunurdu.
Bundan əlavə qeyd edək ki, Huawei ötən günlərdə HDC 2023 sərgisində yalnız tərtibatçılar üçün nəzərdə tutulmuş HarmonyOS NEXT əməliyyat sistemini təqdim etmişdi. Belə ki, bu əməliyyat sistemində Android proqramları mövcud deyil və əməliyyat sistemi ən saf halındadır. Hazırda bu əməliyyat sistemi mobil proqramlar yaratmaq və sınaqdan keçirmək üçün istifadə olunsa da, gələcəkdə bütün huawei modellərində bu əməliyyat sistemini görə bilərik. Bu əməliyyat sistemi Android kitabxanasından istifadə etmir və Android APK fayllarını aça bilmir.
