DDoS hücumları böyük şirkətlərə təsir etməyə davam edir. Google şirkətinin bildirdiyi məlumata görə, Google Cloud tarixində ən böyük DDoS hücumu baş verib. Verilmiş məlumatda qeyd edilir ki, bulud servislərinə saniyədə 46 milyon sorğu göndərilib.
DDoS hücumu 69 dəqiqə çəkib!
Belə ki, Google Cloud servisi tarixdə ən böyük DDoS hücumuna məruz qalıb. Xakerlər Google Cloud servisinə hücum edərək saniyədə 46 milyon sorğu göndəriblər. Bu cəhdin 69 dəqiqə çəkdiyi, lakin Google Cloud Armor tərəfindən bloklanmasının mümkün olduğu bildirilib.
1 iyun səhər saatlarında başlayan DDoS hücumu ilə ilkin olaraq Cloud Armor servislərinin qeydə aldığına əsasən, 10.000 sorğu göndərilib. Yalnız ilk on dəqiqə ərzində bu rəqəm 100.000 sorğuya çatdı və sonra bu rəqəm saniyədə 46 milyon sorğu ilə rekord səviyyəyə çatıb. Yenə də Google şirkətinin bunun qarşısını aldığı bildirildi.
Google hücumun miqyasını açıqlamaq üçün sadə bir nümunə paylaşıb. Onun sözlərinə görə, bu hücum gün ərzində Vikipediyaya edilən bütün sorğuların cəmi 10 saniyə ərzində yerinə yetirilməsinə bərabərdir. 69 dəqiqə davam edən hücumun səbəbi hələ də müəyyən edilməyib.
Bundan əvvəl ən böyük DDoS hücumu Cloudflare servislərində də baş vermişdi. Yenə iyun ayında hücum Cloudflare tərəfindən bloklanıb. Ordakı hücm isə saniyədə 26 milyon sorğuya çatmışdı. +.
Bundan əlavə, əvvəlki hesabatda Şərqi Avropada bir firmanın rekord sayda DDoS hücumuna məruz qaldığı bildirilir. İyul ayı boyunca davam edən hücumların iyulun 21-də pik həddə çatdığı bildirilib. 14 saat ərzində 853,7 Gbps və 659,6 Mpps sorğular və trafik göndərilib.
Müşahidələr onu göstərir ki, son vaxtlar bu tip hücumların sayı əvvəlki dövürlərlə müqayisədə qat-qat artıb. Əsas hədəf olaraq da məhz böyük şirkətlərin servisləri seçilir. Elə Google Cloud servislərinə olan hücum da olduqca peşəkar formada aparaılıb. 132 fərqli ölkədən 5256 fərqli IP adresi ilə göndərilən şifrəli sorğular hücumu edən şəxs və ya şəxslərin güclü avadanlıqlara sahib olduğunu söyləməyə imkan yaradır. Üstəlik tədqiqatlar göstərir ki, bundan əvvəlki DDoS hücumlarında qeydə alınan rekordların sahibi hər kimdirsə bu hücum da həmin şəxs (şəxslər) tərəfindən həyata keçirilib.
Sizin bu haqqdaki düşüncələriniz nələrdir? Bizimlə bölüşməyi unutmayın!
