Google vaxtaşırı potensial təhlükəli tətbiqləri skan edir və Play Store tətbiqindən silir. Bu yaxınlarda bir Android təmizləyən, o cümlədən 10 milyondan çox yükləməsi olan SD Maid daxil tətbiqlərin hər biri silinib. Bildirilib ki, SD Maid kimi tətbiqlər Google-un Stalkerware siyasətini pozduğu üçün bundan sonra yolverilməzdir. Bununla belə, tərtibatçının fikrincə istifadəçi məxfiliyinə və məlumatlarına birbaşa müdaxilə etmə imkanına malik bu tətbiqlər təhlükəsizlik baxımından uyğun deyil. Hətta nümunə olaraq göstərilən SD Maid-in mənbə kodu GitHub-da açıqdır.
Əksər proqram tərtibatçıları Google-un Android təmizləyici tətbiqlərini silməsinin arxasındakı səbəblə razılaşırlar. Həmçinin, Android proqramlarının tam olaraq hansı məqsədlə istifadə edildiyi açıqlanmadığı təqdirdə, Google bu proqramları yanıldan məzmun kimi qiymətləndirir. Lakin əksər hallarda bu tip tətbiqlər birbaşa yanıldıcı açıqlamalarla Google təhlükəsizliyindən keçməyi bacarır. Hansı ki, rəsmi olaraq “Aldadıcı Davranış” siyasəti kimi adlandırılan hal bütün bu tip tətbiqlərdə müşahidə edilir.
Ümumiyyətlə “Cleaner” deyə bilinən bütün tətbiqlərin cihazınız üçün heç bir yararlı tərəfi qalmayıb. Çünki, onsuzda istehsalçıları “Android təmizləyən” tətbiqləri əvəz edən əlavələri öz cihazlarında təklif edirlər. Digər bir tərəfdən isə bu tətbiqlər başlıca olaraq məlumatlarınızın təhlükəsizliyi baxımından problemlərlə sizə çətinliklər yarada bilər.
