Google nəhayət Android üçün batareya sağlamlığı ilə bağlı yeni addımlar atır. Məlumatlara görə, Android telefonlarında batareyanın sağlamlıq göstəricisi olacaq və istifadəçilərə batareya ilə bağlı daha çox məlumat verəcək. Başlıca olaraq batareyalar təbii kimyəvi səbəblərdən bir müddət sonra tutumunun müəyyən hissələrini itirməyə başlayırlar. Məlumata görə, Google Android telefonlarında batareyanın nə vaxt bitəcəyini və ya hazırkı vəziyyətini göstərən batareyanın sağlamlıq göstəricisini təqdim edir. Uzun müddətdir cihaz parametrlərindən telefonlarının batareyasının sağlamlıq statistikasına baxa bilən iPhone istifadəçilərindən fərqli olaraq, Android sahibləri hazırda batareyanın sağlamlığını yoxlamaq üçün üçüncü tərəf proqramına ehtiyac duyurlar.
Android telefonlarında quraşdırılacaq batareyanın sağlamlıq göstəricisi üçüncü tərəf və ya digər proqramlara ehtiyacı aradan qaldıracaq. Bununla belə, Android-də batareya ilə bağlı yalnız istehsal tarixi və dövrlərin sayı daha aydın göstəriləcək Android 14 QPR2 Beta 2-də kəşf edilən yeni Android batareya sağlamlığı xüsusiyyəti, batareyanın dəyişdirilib-deyişilmədiyini də istifadəçiyə bildirəcək. Həmçinin bu bölmədə istifadəçilərə cari batareyanın orijinal batareya tutumu ilə müqayisədə tuta biləcəyi təxmini doldurma faizi belə göstəriləcək. Batareyanın sağlamlığı göstəricisini illərdir əldə edə bilən iPhone sahibləri üçün olduqca əsas vacib xüusiyyət kimi görünür, lakin Android sahiblərinin nəhayət standart Parametrlər tətbiqindən bu xüsusiyyətə daxil ola bilmələri xoşdur.
