Beləliklə, Apple 2024-cü ildən iPhone modellərinə RCS mesajlaşma standartı dəstəyi əlavə edəcəyini açıqlayıb. Qeyd edək ki, bu funksiya iOS və Android istifadəçiləri arasında mesajlaşmaya geniş çeşiddə iMessage üslublu funksiyalar gətirəcək. Ümumiyyətlə RCS, Rich Communication Services olaraq da adlanır. Apple isə bu funksiyanı artıq iPhone modellərinə əlavə etməyi planlayır. Bu xüsusiyyət gələn ilin sonlarında təqdim ediləcək proqram təminatı yenilənməsi ilə birlikdə gələcək. Apple bildirir ki, RCS iMessage ilə işləyəcək və iPhone və Android telefon istifadəçiləri arasında əlaqəni yaxşılaşdıracaq.
Apple açıqlamasında qeyd edib ki, “Gələn ilin sonuna yaxın biz hazırda GSM Assosiasiyası tərəfindən yayımlanan standart olan RCS Universal Profile dəstəyini əlavə edəcəyik. Biz inanırıq ki, RCS Universal Profili SMS və ya MMS ilə müqayisədə daha yaxşı qarşılıqlı fəaliyyət təcrübəsi təmin edəcək. “Bu, Apple istifadəçiləri üçün ən yaxşı və ən təhlükəsiz mesajlaşma təcrübəsi olmağa davam edəcək iMessage ilə birlikdə işləyəcək”. Apple şirkəti iPhone modellərinə əlavə edəcəyi RCS dəstəyi ilə Android istifadəçiləri ilə olan əlaqəni də gücləndirəcək. Ümumiyyətlə Apple son dövrlərdə öz ənənələrini dəyişməyə meyl edir.
Daha əvvəl də App Store ilə bağlı yenilik olacağı elan edilmişdi. Hətta artıq bu yenilənmə ilə iPhone modelləri də Androidlər kimi 3-cü tərəf proqramlarla işləyə biləcəkdi. İndi RCS dəstəyi ilə iPhone və Android arasındakı əlaqə gücləndirilir. Qeyd edək ki, yüksək keyfiyyətli foto, qəbz, animasiyalar və digər funksiyalara sahib olan RCS tətbiqi istifadəçilərə söhbətdə yerlərini başqaları ilə paylaşmaq imkanı da verəcək. Adi SMS-dən fərqli olaraq, RCS mobil məlumat və ya Wi-Fi üzərindən də işləyə bilər. Bundan əlavə iMessage tətbiqi də fəaliyyət göstərməyə davam edəcək. Bu tətbiq bütün iPhone istifadəçiləri arasında ünsiyyətin qurulmasına yardım etməyə davam edəcək.
