Bu gün istənilən elektronik cihazlarda isinmə problemi mövcuddur. Məhz bu isinmə problemi iPhone modellərində də bəzən ortaya çıxır. Apple hər il flaqman cihazlarında yüksək performanslı çipsetlərdən istifadə edir. Məhz bu çipsetlərdə yekunda cihazın normaldan daha çox isinməsinə gətirib çıxarır. Lakin indi Apple iPhone 16 modellərində qrafen soyutma texnologiyasından istifadə etmək istəyir. Qeyd edək ki, qrafen misdən daha yaxşı istilik keçiriciliyinə malikdir. O cümlədən qrafen karbonun çox atomlu təbəqəsidir və yer kürəsində ən möhkəm material hesab olunur.
Beləliklə Apple qrafen soyutma texnologiyasından istifadə edərək, flaqman cihazlarındakı istilik problemlərini tamamilə aradan qaldıra bilər. Ümumiyyətlə qrafen smartfonların daha sərin şəraitdə fəaliyyət göstərməsi üçün yeni çıxış yolu ola bilər. Bildiyimiz kimi, Apple ötən aylarda iPhone 15 Pro modelini A17 Pro çipseti ilə təchiz etmişdi. Bu çipset hazırda ən güclü smartfon çipsetlərindən biri olsa da, cihazın isinməsinə səbəb olur. Apple bu cür problemlərin qarşısnı qrafen ilə ala biləcəyini düşünür. Qeyd edək ki, Otaq temperaturunda qrafen 5000 vatt/metr-kelvin istilik keçiriciliyinə malikdir. Bu dəyər misdən 2 dəfə, gümüşdən isə 3 dəfə çoxdur.
Məhz bu göstəricilər imkan verir ki, Apple yeni iPhone modellərində daha güclü çipsetlərdən istifadə etsin. Hələlik yeni qrafen soyutma texnologiyasının yeni flaqman cihaza əlavə edilib-edilməyəcəyi məlum deyil. Lakin analitiklərə görə Apple bu texnologiya ilə yaxından maraqlanır. Qrafen gələn il daha güclü və daha sərin işləyə bilən iPhone görməyimizə səbəb ola bilər.
