Hər ay olduğu kimi AnTuTu bençmarkı ən performanslı smartfonların reytinqini paylaşıb. Android cihazları üçün nəzərdə tutulan bu reytinqdə iOS əməliyyat sistemli cihazlar yer almır. Hər bir əməliyyat sisteminin ayrı AnTuTu reytinqi olur.
Ənənəvi olaraq ilk pillələrdə yerləşən smartfon modellərində eyni flaqman çipseti istifadə olunur. Ən performanslı modellərdə Qualcomm şirkətinin Snapdragon 8 Gen 1 flaqman prosessoru istifadə edilir. Reytinqdə tək fərqlənən Vivo X80 Pro modelidir, hansı ki MediaTek Dimensity 9000 çipseti ilə təmin edilib.
AnTuTu may reytinqinin liderləri
Beləliklə, AnTuTu may reytinqinin ilk üçlüyündə yer alan modellər nəzər yetirək. 1-ci yer 1 048 179 xal ilə Black Shark 5 Pro modelinə, 2-ci yer 1.032.445 xal ilə Nubia Red Magic 7 Pro modelinə və 3-cü yer 1.020.942 xal ilə Lenovo Legion Y90 modelinə aiddir.
Hər üç modelin öz güclü tərəfləri var. Black Shark 5 Pro oyun smartfonu olub SSD+UFS 3.1 yaddaş həlli istifadə edir. Bu səbəbdən yaddaş çipinin performansı adi modellərdən xeyli yüksəkdir.
Red Magic 7 Pro modelində kiçik pərlər quraşdırılıb. Aktiv hava soyutma sistemi hesabına performans cəhətdən önə çıxır. Məhz bu səbəbdən çipset uzunmüddət ərzində yüksək tezlikdə işləyə bilir. Lenovo Legion Y90 modelində hər iki yaddaş həlli mövcuddur. SSD və UFS 3.1 variantlarından birini ala bilirsiniz.
Reytinqin diqər qəhramanları
AnTuTu may reytinqində MediaTek şirkətinin Dimensity çipseti ilə çalışan yeganə modeli Vivo X80 dördüncü pillədə yer alıb. Maraqlısı odur ki, Pro versiyası 7-ci pillədə yer tuta bilib.
5-ci və 6-ci pillələrdə iQOO 9 və iQOO 9 Pro modelləridi, hasnılar ki 1.012.310 və 1.008.157 xal toplaya bilmişdilər. Sonuncu üç pillədə Vivo X Note, Vivo X80 Pro (Snapdragon 8 Gen 1 versiyası) və Motorola Edge X30 modelləri yer alıb.
May ayı üçün statistika ayın 1-dən 31-dək toplanıb. AnTuTu reytinqi ən yüksək balları deyil, ortalama göstəriciləri hesablayır. Hər bir smartfon modeli üçün ən azı 1000 sınaq nəticəsi istifadə olunur. Daha az sınaq sayı olan modellər reytinqə daxil edilmir.
