Snapdragon Sight nədir? – Qualcomm ISP

Qısaca desək, Qualcomm Snapdragon Sight texnoloqiyası “ISP”-dir. Açıqlamasında bu görüntü emal prosessoru anlamına gəlir. O, Snapdragon 8 Gen 1 çipsetin bir hissəsidir. Bu texnologiya hesabına bir çox faydalı funksiyalar təqdim olunur, çünki nəticədə hamı kameradan istifadə edir.

Yeni Görüntü Emal Prosessoru – ISP

Şirkətlər bilir ki, flaqman modellərini alan istifadəçilərin yaxşı kameraya ehtiyacı var. Bu səbəbdən Qualcomm şirkəti smartfon istehsalçılarının flaqmanlarını daha da təkmilləşdirmək üçün bu texnologiya üzərində çox iş görüb. Ümumiyyətlə hər bir yeni flaqman modeli xırda olsa da özü ilə bir yenilik gətirir.

Snapdragon Sight nə qədər performanslıdır?

Yeni platforma “Snapdragon Sight” adlanır və o, yeni cihaz çipində işləyir. Xüsusiyyətləri kifayyət qədər çoxdur, lakin onlardan ən vacibi performansıdır. Burada söhbət saniyədə 3,2 milyard piksel emal etmək qabiliyyətindən gedir. Bu Snapdragon 888 çipsetinin saniyədə 2,7 milyard sürəti ilə müqayisədə daha sürətlidir. Bəzi hallarda “gigapiksel” termini ilə qarşılaşacaqsınız. Bu müvafiq olaraq 3,2 və 2,7 gigapiksel anlamına gəlir, lakin milyardlarla sözünü işlətmək daha açıqlayıcıdır. Real vəziyyətlərdə performansın artması o deməkdir ki, Snapdragon Sight ilə smartfon hər saniyədə 240 ədəd 12 meqapiksellik və ya 30 tam təsvir ölçülü 108 meqapiksellik fotoşəkil çəkə bilər. Həmçinin birdən çox kamera istifadə olunan xüsusi çəkiliş rejimləri üçün bir saniyədə üç 36 Mp çəkilişi emal edə bilir.

Lakin bu tam özəllikləri deyil. Kameranın yüksək keyfiyyətli gecə görüntüsünü əldə etmək üçün çəkilişləri birləşdirdiyi haqqında eşitmisiniz? Beləliklə, yeni platforma 30-a qədər kadrı bir təsvirdə birləşdirə bilər. Amma burada bütün proseslər daha sürətli aparılır. Yeni çip dinamik diapazonu əhəmiyyətli dərəcədə yaxşılaşdırmaq üçün kanal başına 18 bit ilə işləyir. Rəsmilərin sözlərinə əsasən, Snapdragon Sight paketdən istifadə edən smartfon dörd tam dayanacaq diapazonuna malik ola bilər. Əlavə olaraq peşəkar redaktə üçün sıxılmamış (uncompressed) 18 bitlik RAW fotoşəkilləri işləyə bilər.

Video baxımından “Snapdragon Sight” maksimum 8k 30 FPS təsvir ölçüsünə malikdir. Eyni zamanda həm HDR10, həm də HDR+ dəstəkləyir. Görüntünü daha yaxşı etmək üçün eyni zamanda stabilizasiya ilə işləmə mümkünlüyünü də növbəti zamanlarda əlavə ediləcək. Yəni görüntü real zamanda kameranın titrəməsinə görə təhlil ediləcək və tənzimlənəcək.

Süni Zəka ilə Kamera

Qualcomm indi avtoekspozisiya və avtofokusu təkmilləşdirmək üçün süni intellektdən istifadə edir. Yeni əlavə insan üzünü izləyə bilən təkmilləşdirilmiş üz izləmədir. Bu texnologiya Snapdragon 8 Gen 1 çipseti ilə istifadəyə verilib, ona görə də onu köhnə modellərdə tapa bilməyəcəksiniz. Bu yeni bir çip olduğundan onu yalnız son bir neçə ayda buraxılan modellərdə tapa bilərsiniz.Misal üçün aşağıdakı modellərdə bu çipdən istifadə edilib.