Bu gün ortaya çıxan məlumata görə texnologiya sahəsində rəqabət güclənəcək. Belə ki, AMD bu dəfə Samsung və Qualcomm şirkətləri ilə birlikdə FSR texnologiyası inkişaf etdirəcək. Görünən odur ki, yeni hazırlanan texnologiya elə məhz Galaxy S24 seriyasında bizlərə təqdim ediləcək. AMD, əzəli rəqibi Nvidia-nın DLSS proqramı ilə rəqabət aparmaq üçün FidelityFX Super Resolution (FSR) həllini işə saldı. Maraqlısı budur ki, texnologiya nəhəngi bu həlli Qualcomm və Samsung ilə birlikdə həyata keçirəcək.
Məşhur analitik Revegnus-a görə AMD, Samsung və Qualcomm NVIDIA-nın DLSS ilə rəqabət aparmaq üçün FidelityFX Super Resolution (FSR) birgə inkişaf etdirməyə qərar verdilər. Həmçinin analitikə görə bu texnoologiya ilk olaraq Galaxy S24 seriyasında istifadə olunacaq. Əslində Samsung və AMD daha əvvəl də bir neçə mövzuda ortaq olmuşdular. Habelə Samsung, şüa izləmə xüsusiyyətləri olan ilk smartfonu Galaxy S22 seriyasında AMD-nin RDNA əsaslı Xclipse 920 GPU həllindən istifadə etmişdi. AMD şirkətinin həm Qualcomm, həm də Samsung ilə birlikdə işləməsi onu göstərir ki, Exynos və Snapdragon çipsetli Galaxy S24 üçün yeni texnologiya hazırlanır.
Artıq apple A17 Pro və Qualcomm Snapdragon 8 Gen 3 şüa izləmə xüsusiyyəti olan MetalFX Upscaling və GSR kimi texnologiyalara sahibdir. Ümumiyyətlə FSR yəni FidelityFX Super Resolution 3 Nvidia şirkətinin DLSS süni intellekt texnologiyasına rəqibdir. Onu da qeyd edək ki, AMD-nin ilk texnologiyası məhz “Forspoken” və “Immortals of Aveum” kimi oyunlarda istifadə ediləcək. Artıq AMD qrafik kartları ilə yüksək səviyyəli oyunları süni intellekt sayəsində çox az güc sərf edərək oynamaq mümkün olacaq.
