Çinin ən böyük avtomobil brendlərindən biri olan Chery bu dəfə ən aerodinamik avtomobilini istehsal etdiyini iddia edir. Qeyd edək ki, yeni avtomobil hamar dizayn xəttinə sahib olmaqla yüksək performanslı aerodinamikaya sahib olub. O cümlədən aparılan sınaqlar nəticəsində də prototip olduqca yaxşı nəticələr göstərib. Hətta çinli avtomobil nəhənginə görə yeni hazırladığı bu avtomobil dünyanın ən aerodinamik avtomobilidir.
Qeyd edək ki, Chery brendi tərəfindən hazırlanan bu avtomobil elektriklidir. Həmçinin bu model hələlik kütləvi istehsal üçün də əlverişli deyil, çünki hələ konsept mərhələsindədir. Bununla belə Chery brendi yeni avtomobil barədə olduqca iddalıdır. Şirkətin mühəndisləri bildirib ki, bu avtomobilin yüksək aerodinamikaya sahib olmasına imkan verən dizayn üçün məhz tuna balığından ilhamlanıblar. Maraqlısı budur ki, tuna balığı da dənizin ən hidrodinamik yəni çevik balıqlarından biridir. Məhz mühəndislər də avtomobili bu balığa oxşatmağa çalışıb. Hətta avtomobilin hamar dizaynı və özünəməxsus eksteryeri də tuna balığına görədir.
Bundan əlavə çinli avtomobil nəhəngi rekord sürtünmə əmsalına sahib ola bilməsin üçün yeni avtomobilini süni intellektə əsaslanan bir çox sınaqdan keçirir. Bu dizayn araşdırmalarından sonra Chery, hazırlanan konseptin avqust ayında rəsmi sınaqlar zamanı 0,168 Cd göstəriciyə sahib olduğunu iddia edib. O cümlədən Chery bu sınaqlardan sonra dünyanın ən aerodinamik avtomobilini istehsal etdiyini idida edib. Əslində bu avtomobilin hazırlanmasında əsas məqsəd bazarda səs-küy yaradaraq diqqət cəlb etmək və brendin digər avtomobillərinin satışına şərait yaratmaqdır.
