Son dövrlərdə oyun sahəsindəki inkişaflar, bəzən oyunçular üçün problem yarada bilir. Belə ki, oyun həvəskarları oyunlarda maksimum performans əldə etmək üçün qrafik kart seçimini diqqətlə etməlidir. Əksər oyunçuların seçimi NVIDIA qrafik kartları olur. Çünki, NVIDIA şirkətinin yeni nəsil RTX qrafik kartlarının digər qrafik kartlarından bir neçə fərqi var. Bugünkü məqaləmizdə bu fərqlərdən danışacağıq. Ümumiyyətlə biz artıq NVIDIA RTX 40 seriyalı qrafik kartları ilə tanış olmuşuq və onların üstünlüklərindən xəbərdarıq. Bu barədə məqaləmizi oxumaq üçün buradan keçid edə bilərsiniz. İndi isə oyun həvəskarlarının və ya maksimum performans əldə etmək istəyənlərin nəyə görə NVIDIA qrafik kartlarını seçməli olduğuna baxaq.
NVIDIA qrafik kartları həm RTX və ya Ray Tracing eXtreme texnologiyası həm də DLSS texnologiyası ilə digər qrafik kartlarından fərqlənir. Qeyd edək ki, buraya həm də Max-Q texnologiyasını əlavə etməliyik. Gəlin bu anlayışlardan qısa bəhs edək. RTX texnologiyası süni intellekt vasitəsi ilə oyunlardakı işıqların daha detallı vizuallaşdırılması ilə bağlıdır. Başqa sözlə desək işıq izləməsi vasitəsi ilə real həyatdakı görüntüyə oxşar vizual görüntü yaradılır. DLSS texnologiyası isə süni intellekt vasitəsi ilə süni piksellər yaradır və qrafik kartının maksimum performans əldə etməsinə şərait yaradır. Başqa sözlə desək DLSS texnologiyası performans və keyfiyyət arasındalı mükəmməl tarazlığı tapır. Max-Q texnologiyası isə NVIDIA qrafik kartları üçün minimum enerji sərfiyyatı ilə maksimum performans təklif edir. Qeyd edək ki, hər 3 texnologiyanın ən təkmilləşmiş versiyaları RTX 40 seriyalı qrafik kartları üçün mövcuddur. Lakin daha əvvəlki nəsil qrafik kartları Geforce Experience proqramı ilə optimizasiya edilə bilər.
NVIDIA qrafik kartları CyberPunk 2077 oyununda
Qeyd etdik ki, NVIDIA qrafik kartları əsasən professional oyun həvəskarları tərəfindən seçilir. Belə ki, ən rəqabətli ve texniki cəhətdən yüksək parametr tələb edən oyunlarda belə bu qrafik kartlar yüksək performans verir. Gəlin müqayisə aparaq. 2022 və 2023-cü ilin ən qalmaqallı oyunu hesab olunan Cyberpunk 2077 oyunundan başlayaq. Qeyd edək ki, bu oyun optimizasiya problemi səbəbi ilə gündəmdə olmuşdu. Belə ki, bir çox qrafik kartlar bu oyun səbəbindən sıradan çıxmışdı.
Yuxarıdakı şəkildə NVIDIA RTX 3090 Ti, RTX 4080 və RTX 4090 qrafik kartları ilə təchiz edilən kompüterlərin müqayisəsi aparılıb. Belə ki, hər 3 kompüter i9-13900 K prosessor, 16GB ram ilə təchiz edilib. İlk olaraq RTX 3090 Ti qrafik kartına nəzər salaq. Bu qrafik kartı 100 dərəcəyə qədər isinib və 9GB VRAM istifadə edib. Lakin ortalama olaraq 53 FPS verib. RTX 4080 qrafik kartı isə 99 dərəcəyə qədər isinib, 9.5 GB VRAM istifadə edib. Oyunda isə 61 FPS verib. Son olaraq RTX 4090 qrafik kartı yenə 99 dərəcəyə qədər isinib, lakin sadəcə 8.5 GB VRAM istifadə edib. Oyunda isə 84 FPS verib. Nəticə olaraq isə RTX 4090 qrafik kartı RTX 3090Ti-dan 58%, RTX 4080 qrafik kartından isə 38% daha çox performans göstərib. Onu da qeyd edək ki, oyun maksimum parametrdə oynanılıb.
RTX qrafik kartlar Call of Duty Modern Warfare 2 oyununda
2023-cü ilin ən dəbdəbəli oyunlarından biri də Call of Duty seriyasının yeni battle royale oyunu olan Call of Duty Moder Warfare 2-dir. Belə ki, bu oyun da yüksək səviyyədə performans tələb edir. Gəlin bu oyunda NVIDIA qrafik kartlarının performanslarını müqayisə edək. Burada da NVIDIA RTX 3090, RTX 4080, RTX 4090 qrafik kartlarının performansları müqayisə edilib. Ümumiyyətlə qeyd edək ki, Call of Duty Modern Warfare 2 oyunu əsasən FPS oyunu hesab olunur. Yəni oyunçular nə qədər çox FPS alarsa o qədər daha yaxşı oyun sərgiləyə bilərlər.
Bu müayisədə də hər 3 kompüter i9-13900 K prosessor, 16GB ram ilə təchiz edilib. İlk olaraq RTX 3090 Ti qrafik kartına nəzər salaq. Bu qrafik kartı 100 dərəcəyə qədər isinib və 12GB VRAM istifadə edib. Lakin ortalama olaraq 83 FPS verib. RTX 4080 qrafik kartı isə 99 dərəcəyə qədər isinib, 12GB VRAM istifadə edib. Oyunda isə 106 FPS verib. Son olaraq RTX 4090 qrafik kartı yenə 99 dərəcəyə qədər isinib, lakin sadəcə 13 GB VRAM istifadə edib. Oyunda isə 142 FPS verib. Nəticə olaraq isə RTX 4090 qrafik kartı RTX 3090Ti-dan 72%, RTX 4080 qrafik kartından isə 34% daha çox performans göstərib. Onu da qeyd edək ki, oyun maksimum parametrdə oynanılıb.
RTX qrafik kartları Spider-Man Remastered oyununda
Bu ilin TOP-3 oyunlarından bir də məhz Spider-Man Remastered hesab olunur. Belə ki, bu oyun DLSS və RTX kimi Nvidia texnologiyalarını da dəstəkləyir. Məhz bu səbəbdən də oyun həvəskarları daha detallı vizual görüntüdə daha çox FPS əldə edir. Texniki cəhətdən yüksək səviyyəli qrafik kartı tələb edən oyun həm RTX 3090Ti, həm RTX 4080 həm də RTX 4090 qrafik kartların müqayisə olunur.
Bu müqayisədə də hər 3 kompüter i9-13900 K prosessor, 16GB ram ilə təchiz edilib. İlk olaraq RTX 3090 Ti qrafik kartına nəzər salaq. Bu qrafik kartı 100 dərəcəyə qədər isinib və 10GB VRAM istifadə edib. Lakin ortalama olaraq 64 FPS verib. RTX 4080 qrafik kartı isə 99 dərəcəyə qədər isinib, 12GB VRAm istifadə edib. Oyunda isə 76 FPS verib. Son olaraq RTX 4090 qrafik kartı yenə 99 dərəcəyə qədər isinib, lakin sadəcə 11GB VRAM istifadə edib. Oyunda isə 100 FPS verib. Nəticə olaraq isə RTX 4090 qrafik kartı RTX 3090Ti-dan 57%, RTX 4080 qrafik kartından isə 30% daha çox performans göstərib. Onu da qeyd edək ki, oyun maksimum parametrdə oynanılıb.
Son olaraq qeyd edı bilərik ki, müqayisə nəticəsində də məlum oldu ki artıq RTX 4090 qrafik kartı, NVIDIA qrafik kartları arasında ən yaxşı seçimdir. Belə ki, əgər siz oyunlarda maksimum performans əldə etmək istəyirsinizsə RTX 4090 qrafik kartını əldə edə bilərsiniz. Qeyd edək ki, DLSS 3 və 5-ci nəsil Max-Q texnologiyası və NVIDIA reflex texnologiyası oyun zamanı sizin performansınızı maksimuma çıxaracaq.
