İndiki dövrdə ən güclü oyun noutbuklarını axtararkən ilk qarşımıza çıxanlar məhz NVIDIA RTX 40 seriyalı noutbuklardır. Ümumiyyətlə RTX seriyalı qrafik kartlar təqdim olunduqdan bəri təklif etdiyi funksiyaları ilə oyun həvəskarlarının maraq dairəsinə daxil olub. NVIDIA RTX 40 seriyalı qrafik kartları isə ümumiyyətlə performansı və bir neçə yeni texnologiyası ilə hərkəsin marağına səbəb olub. Ümumiyyətlə bu gün profesionallar və ya oyun həvəskarları üçün ən mühüm məqam məhz oyun performansının çox olmasıdır. Sonuncu nəsil RTX 40 seriyalı noutbuklar isə bu işin öhdəsindən ustalıqla gəlir. Bundan əlavə isə RTX seriyalı noutbuklar digər noutbuklardan fərqli olaraq DLSS və Ray Tracig və ya işıq izləmə texnologiyasına da sahibdir. Bilirik ki, düzgün oyun noutbuku seçmək rahatlığınızı və oyun performansınızı xeyli yaxşılaşdıra, büdcənizi qorumaq etibarilə rəqibləriniz üzərində üstünlük verə bilər. Əslində NVIDIA RTX 40 seriyalı noutbuklar sadəcə oyunçular üçün deyil həm də redaktor və dizaynerlər üçün də əlavə imkanlar təklif edir.
Belə ki, sonuncu nəsil RTX 40 seriyalı noutbuklar NVIDIA kodlaşdırıcı proqramları vasitəsi ilə Premiere Pro, Adobe Effects kimi proqramlarda dəfələrlə sürətlənir. Bu barədə məqaləmizi buradan keçid edərək oxuya bilərsiniz. Bu gün isə bizim məqaləmizin mövzusu NVIDIA RTX 40 seriyalı noutbuklardır. Qeyd edək ki, biz RTX 40 seriyalı qrafik kartlarına sahib olan noutbuklardan danışmamışdan öncə DLSS, Ray Tracing kimi texnologiyalardan xəbər verməliyik.
NVIDIA RTX 40 seriyalı noutbukların üstünlükləri nələrdir?
NVIDIA RTX 40 seriyalı noutbukları digər qrafik kartlı noutbuklardan üstün tutan ən önəmli texnologiyalara DLSS 3, Ray Tracing misal göstərmək olar. Gəlin ilk öncə DLSS texnologiyasını izah edək. Deep Learning Super Sampling və ya qısa adı ilə DLSS adlanan texnologiya performans və keyfiyyət arasında mükəmməl tarazlığı tapmaq üçün NVIDIA tərəfindən təklif olunur. Sadə formada izah etsək, oyunlar oynadığınız zaman ekranda gördüyünüz şəkilləri yaratmaq üçün kompüteriniz, daha doğrusu qrafik kartınız çoxlu hesablamalar aparmalıdır. Bəzən bu hesablamaların həcmi görüntüdəki resursların zənginliyi nəzərən yüksək emal gücü tələb edir. Digər bir tərəfdən görüntünün yüksək kadr tezliyində keyfiyyətli şəkildə yaradılması çətin olur. Nəticədə oyun yavaş işləyir və bəzən istədiyiniz qədər yaxşı görünmədiyindən oyun təcrübəsi xeyli aşağı düşür.
DLSS isə, qrafik kartınızın görüntü yaratmaqda yüksək emal gücü sərf etmədən, görüntünü (kadrları) keyfiyyət itkisi olmadan vizual olaraq yüksək FPS dəyərlərində göstərməyə imkan verən texnologiyadır. NVIDIA RTX 40 seriyalı qrafik kartlarına sahib olan noutbuklar isə yeni DLSS 3 texnologiyası ilə işləyə bilir. Belə ki, DLSS 3 texnologiaysı RTX 40 seriyalı qrafik kartlardakə 4-cü nəsil Tensor nüvələri vasitəsi ilə əvvəlki versiyasından daha yüksək performans göstərir. Həmçinin yeni versiyada süni intellekt daha da təkmilləşdirilib.
NVIDIA RTX 40 seriyalı noutbukların əlavə üstünlüklərindən biri də məhz RTX və ya Ray Tracing eXtreme texnologiyasıdır. Belə ki, NVIDIA Ada Lovelace arxitekturasınan əsaslanan bu texnologiya oyunlardakı işıqlandırmanı süni intellekt vasitəsi ilə real hala gətirir. Yəni oyun həvəskarları RTX texnologiyası vasitəsi ilə inanılmaz səviyyədə detallı virtual aləm ilə qarşılaşır. RTX texnologiyası bütün RTX qrafik kartlarında əlçatana olsa da, sonuncu nəsil RTX 40 seriyalı qrafik kartlarda daha da təkmilləşdirlib. Qeyd edək ki, RTX və DLSS texnologiyası hər ikisi aktiv olduqda oyunlar daha detallı və daha performanslı olur. Müasir dövrdə demək olar ki, bütün oyunlar RTX və DLSS texnolgoiyasını dəstəkləyir. Bu isə RTX 40 seriyalı noutbukları digərlərində daha üstün tutur.
Geforce RTX 40 seriyalı noutbuklar oyunlarda necə performans göstərir?
NVIDIA RTX 40 seriyalı noutbuklar demək olar ki, bazara yeni çıxır. Belə ki, ASUS, MSİ, Omen, Acer, Razer, Lenovo kimi brendlər artıq yeni nəsil RTX 40 qrafik kartlı noutbukları təqdim edib. Belə ki, CES 2023 tədbirində təqdim edilmiş RTX 40 seriyalı qrafik kartlar dünyanın ən güclü qrafik kartları hesab edilir. Bilirik ki, noutbuklar, masaüstü kompüterlərdən fərqli olaraq daha tez isinə bilir və bu iki komptür arasında əsasən performans fərqi olur. Lakin mobil NVIDIA RTX 40 seriyalı qrafik kartları Ada Lovelace arxitekturasına əsaslanır və enerji sərfiyyatını minimuma endirərək yüksək performans göstərir. Qeyd edək ki, bu qrafik kartlar həmçinin dördüncü nəsil tensor nüvələrinə və ultra aşağı gərginlikli GDDR6 texnologiyasına sahibdir.
Məhz yeni təkmilləşdirmələr RTX 40 seriyalı qrafik kartları sələfindən daha çox performans verməsinə vadar edir. Məsələn NVIDIA RTX 4090 qrafik kartı ilə təchiz edilən ASUS ROG Strix Scar 18 noutbuku, RTX 3080 Ti ilə təchiz edilən versiyasından 18% daha yüksək performans göstərir. Bu sintetik test bir daha sübut edir ki, NVIDIA daha yaxşısını edənə qədər ən yaxşısı məhz RTX 40 seriyalı qrafik kartlardır. NVIDIA RTX 40 seriayalı noutbuklar həmçinin daha az enerji sərf edir. Belə ki, Ada arxitekturası o qədər uğurlu və qənaətcil olub ki, 14 düymlük noutbuklar masaüstü kompüterlər qədər performans verə bilir. Qeyd edək ki, indiyə qədər noutbukların 95%-i inteqrasiya olunmuş qrafik kartların zəif işləməsi səbəbindən performansını da məhdudlaşdırırdı. Lakin Ada arxitekturası artıq yeni dövrün başlanğıcı oldu.
NVIDIA RTX seriyalı noutbuklar həmçinin beşinci nəsil Max-Q texnologiyasına sahibdir. Ümumiyyətlə Max-Q texnologiyası 2017-ci ildə aşağı enerji sərfiyyatı ilə yüksək performans vermək üçün nəzərdə tutulmuşdu. Yeni nəsil texnologiya RTX 40 seriyalı qrafik kartlarında daha da təkmilləşdirilib. Ümumiyyətlə bu texnologiya son 6 ildə səmərəliliyi 22 dəfə artırıb. 5-ci nəsil Max-Q texnologiyası 3 dəfə daha sürətli, 16 dəfə daha optimal fəaliyyət göstərir.
RTX 4090 və RTX 3090 qrafik kartı ilə təchiz edilən noutbukların müqayisəsi
Qeyd etdik ki, NVIDIA RTX 40 seriyalı noutbuklar daha əvvəlki RTX seriyalı noutbuklardan daha çox performans verir. Belə ki, bəzən bu fərq 2 qat olur. İlk öncə Forza Horizon 5 oyunundakı testə nəzər salaq. Hər iki kompüter Intel i9 12900K ekran kartı ilə, 32 GB Ram ilə təchiz edilib. Lakin sol tərəfdəki noutbuk RTX 3090, sağ tərəfdəki isə RTX 4090 qrafik kartı ilə təchiz edilib. Belə ki, RTX 3090 77 FPS, RTX 4090 isə 151 FPS performans verir. Beləliklər RTX 4090 qrafik kartı RTX 3090 qrafik kartından 96.1% daha çox performans göstərir.
Digər testimiz isə God Of War oyunundandır. Belə ki, burada da hər iki kompüter eyni prosessor və Ram ilə təchiz edilib. Yalnız qrafik kartları fərqlidir. RTX 3090 qrafik kartı 90 FPS, RTX 4090 qrafik kartı isə 148 FPS performans göstərir. Beləliklə deyə bilərik ki, RTX 4090 qrafik kartı RTX 3090 qrafik kartından 64.4% daha çox performans göstərir. Hər iki testin nəticəsi demək olar ki, eynidir. Biz rahatlıqla deyə bilərik ki, ada arxitekturasına əsaslanan dördüncü nəsil tensor nüvələrinə sahib olan RTX 4090 dünyanın ən güclü qrafik kartıdır.
Son olaraq isə qeyd edək ki, bu gün məqaləmizin əsas mövzusu NVIDIA RTX 40 seriyalı noutbuklar oldu. Qeyd etdik ki, RTX 40 seriyalı qrafik kartları ilə təchiz edilən noutbuklar daha az enerji sərfiyyatı ilə daha çox performans verir. Belə ki, DLSS 3 və Ray Tracing eXtreme texnologiyaları da məhz bu qrafik kartlarında daha da təkmilləşdirildiyi üçün istifadəçilər daha çox performans və daha yaxşı vizual görüntü əldə edə biləcəklər.
