CNBC-nin paylaşdığı hesabata görə, məşhur sosial şəbəkələrdən LinkedIn kriptovalyuta fırıldaqçılarının yeni ünvanı olub. LinkedIn və FTB-nin fırıldaqçılara qarşı birlikdə çalışdığı bildirilərkən, istifadəçilərin tanımadıqları insanların mesajlarına diqqət etməmələri də vurğulanıb.
Son zamanlar kriptovalyutalarda ciddi enişlər olsa da, hələ də gələcəyin ən vacib texnologiyalarından biri kimi göstərilir. Bununla belə, bu rəqəmsal aktivlərlə bağlı fırıldaqçılıq hallarının kifayət qədər yüksək olduğunu söyləmək səhv olmaz. Mütəxəssislər hər açıqlamada vurğulayırlar ki, investorlar internetdə kripto fırıldaqçılarına qarşı diqqətli olmalıdırlar.
İndi yeni xəbərlər göstərir ki , dünyanın ən məşhur sosial şəbəkələrindən biri olan LinkedIn kriptovalyuta fırıldaqçılığı üçün istifadə olunur. CNBC-nin paylaşdığı hesabata görə ABŞ Federal Təhqiqat Bürosu (FTB) məşhur platforma ilə bağlı istifadəçilərə xəbərdarlıq edir.
CNBC-nin məlumatına görə, LinkedIn bu yaxınlarda etiraf edib ki, platformada fırıldaqlar artmaqdadır və bu, istifadəçiləri kriptovalyutalara investisiya qoymağa təşviq edir. Bundan əlavə FTB-nin San Fransisko və Sakramento şəhərlərindəki ofislərinin məsul şəxslərindən biri olan Sean Ragan, xüsusilə iş dünyasında məşhur olan platformanı “əhəmiyyətli bir təhlükə” olaraq xarakterizə edib. Problemi ciddi bir təhlükə kimi gördüklərini açıqlayıb.
Açıqlamalara görə fırıldaqçılar özlərini peşəkar şəxs kimi göstərərək istifadəçilərə yazırlar. Bundan sonra səmimi olurlar və danışdığı insanlara kripto pul investisiyaları ilə pul qazana biləcəklərini söyləyirlər. Onları bəzi saytlara cəlb etməyə çalışırlar. Cinayətkarlar əvvəlcə istifadəçiləri real kriptovalyuta saytlarına yönləndirir və onların etibarını qazanırlar. Bir neçə aydan sonra bu insanlar onlara deyirlər ki, saxta saytlara sərmayə qoysunlar. Insanlar inanıb qoyduqdan sonrada hesablarından pulu oğurlayırlar.
LinkedIn isə dünən paylaşdığı açıqlamada istifadəçiləri şübhəli profilləri LinkedIn-ə bildirməyə təşviq edib. Şirkətin rəsmilərindən biri olan Oscar Rodriguez də CNBC-yə verdiyi acıqlamada nəyin saxta olub olmadığını müəyyən etməyin “inanılmaz dərəcədə çətin“ olduğunu söylədi . Bundan əlavə platforma, tanımadığınız insanların sizdən pul və ya investisiya tələb etmələrinə qarşı diqqətli olmağı vurğulayıb.
LinkedIn-in FTB kimi digər şirkətlər və dövlət qurumları ilə fırıldaqçılar üzərində işlədiyi də xəbərlər arasında idi. Rodriguez açıqlamalarında aşkar edilən saxta hesabların 96%-nin silindiyini bildirərkən, CNBC-yə danışan bir qrup zərərçəkmiş, fırıldaqçılıq nəticəsində verdikləri zərərin 200 min dollardan 1,6 milyon dollara qədər olduğunu bildirir. Bəs siz bu haqqda nə fikirləşirsiniz? Fikirlərinizi bizimlə bölüşməyi unutmayın.
