Ethereum kriptovalyutasının həmtəsisçisi Gavin Wood, Davos-da keçirilən Dünya İqtisadi Forumunda iştirak edib. Burada Gavin Wood Reuters-ə bildirib ki, investorlar kriptovalyuta bazarının çökməsindən sonra onların yatırımlarına nəyin dəstək olacağını araşdırmalıdılar. Hal-hazırda kriptovalyuta ilə bağlı baş verən çöküş, bazara 800 milyard dollar zərər vurub.
“Ümid edirəm ki, insanlar hər hansı ekosistemə və ya iqtisadi cəmiyyətə qoşulduğu zaman, onun adının arxasında nə dayandığına daha çox diqqət yetirirlər” Gavin Wood Reuters-ə bildirib.
Ethereum gələcəyə inamlı addımlarla irəliləyir
2022-ci ilin İqtisadi və siyasi liderlərin illik toplantısında kriptovalyuta və blokçeyn şirkətləri tədbirdə fəal şəkildə iştirak ediblər. Baxmayaraq ki, tədbirə bir neçə həftə qalmış kriptovalyuta bazarı çökmüşdür.
Gavin Wood ilk dəfə idi ki, bu tədbirdə iştirak edirdi. Burada Wood yeni blokçeyn layihəsi Polkadot və amerikalı milyarder Frank McCourt-un Liberty layihəsi ilə bağlı əməkdaşlıqları haqqında danışıb.
İstifadəçilərə Ethereum üzərində daha çox imkan yaranacaq
Ethereum təsisçisi müsahibəsindən: “İnternetdə qanunvericiliyin real konsepsiyası yoxdur, çünki qanunvericiliyin özü suveren dövlətlər tərəfindən müəyyən edilir” . Həmçinin Wood bildirib ki , yeni tərəfdaşlığın əsas məqsədləri şəbəkə üzrə nəzarəti qeyri-mərkəzləşdirmək və istifadəçilərə məlumatlarına daha çox nəzarət etmək imkanını yaratmaqdır .
Blokçeynlər (Blockchain), kompüter şəbəkələri arasında əməliyyatların qeydlərini saxlayan ictimai reyestrlərdir. Onlar kriptovalyutalar da olduğu kimi tənzimlənmir.
Gavin Wood kimdir ?
Ethereum təsisçisi Gavin Wood haqqında qısa məlumat vərk. 42 yaşlı kompüter alimi, Web 3 terminini və Web 3 Foundation yaradan, hansı ki Alphabet kimi nəhəng şirkətlərin internet şəbəkəsinin yenidən təşkilinə yardım edir.
Ethereum niyə PoW-dan PoS-a keçid edir ?
Ethereum layihəsinin həmtəsisçisi Vitalik Buterin tərtibatçının sözlərinə əsasən 2022-ci ilin yayın sonunda Proof-of-Work-dan Proof-of-Stake-ə keçid etməlidir. Bu addım Ethereum kriptovalyutasının enerji istifadəsini 99% azaldacaq. Lakin bunun nəticəsində bəzi çətinliklər də yarana bilər. Hesablanma mürəkkəbləşdirildiyi üçün “maynerlər” daha az qazanc əldə edəcəklər.
Hal-hazırda kriptovalyuta bazarında çox maraqlı hadisələr baş verir. Kapitalı olan bir çox insanlar isə ucuz satılan kriptovalyutaları sürətlə alır. Web 3 internet texnologiyasına keçid olacağı üçün hər bir halda kriptovalyuta bazarının gələcəyi parlaq görünür. Hər bir sahədə olduğu kimi, burada da çöküşün olması normal qarşılanır. Bundan, yaxşı araşdırma və (emosiyasız) düzgün qərar verə bilən insanlar çox yaxşı gəlir əldə edəcəklər.
