Amerikalı iş adamı və Microsoft şirkətinin qurucularından olan Bill Gates TechCrunch-ın ev sahibliyi etdiyi tədbirdə iştirak edib. İqlim dəyişikliyi ilə bağlı keçirilən tədbirdə o, NFT-lər haqqında danışarkən NFT-lərin “100 faiz böyük bir axmaq nəzəriyyəyə əsaslandığını” ifadə edib. Texnologiya dünyasının ən önəmli şəxslərindən biri olan Bill Gates təsərrüfatlara, fabriklərə və onların istehsal etdiyi məhsullara investisiya qoymağa üstünlük verdiyini, lakin kriptovalyutalara və ya NFT-lərə heç bir sərmayə qoymadığını bildirdi.
Gates həmçinin bu məsələlərdə vergidən və ya hər hansı hökumət qaydalarından yayınmaq üçün nəzərdə tutulan varlıqlardan şübhələndiyini də bildirdi. Bundan başqa ən məşhur NFT kolleksiyalarından biri olan Bored Ape Yacht Club (BAYC)-a istinad edərək “Aydındır ki, meymunların bahalı rəqəmsal şəkilləri dünyanı çox yaxşılaşdıracaq” sözlərini deyərək istehza etdi.
Bu iş adamının ümumiyyətlə kripto-yönlü bizneslərə qarşı olduğunu görə bilirik. Çünki Gates 2021-ci ilin fevralında verdiyi müsahibədə, xüsusilə kriptovalyutanın dəyərinin çox dəyişkən olduğu dövrdə, investorların bitkoin almasının təhlükələrindən narahat idi. Bu dövrdə xüsusilə Elon Mask kripto-yönümlü açıqlamalar verirdi. Buna görə də, Bill Gates-in diqqət mərkəzində olan şəxs Elon Mask idi.
Belə düşünən sadəcə Bill Gates deyil
2021-ci ildə verdiyi başqa bir açıqlamada Bill Gates “Çox pulu olmayan insanların buna qapıldığını düşünürəm” və “Ümumi fikrim budur ki, əgər sizin Elon Maskdan daha az pulunuz varsa diqqətli olmalısınız” tərzində ifadələr işlətmişdi. Xatırladaq ki, kripto-yönlü bizneslərə qarşı olan tək biznesmen Gates deyil. Təxminən 124 milyard dollar sərvəti ilə dünyanın ən varlı insanlarından olan 91 yaşlı Warren Baffett-də həmçinin bitkoin haqqında müsbət fikirdə deyil. 30 aprel tarixində Berkshire Hathaway İllik Səhmdarları yığıncağında çıxış edən Buffet demişdi:
“Mən ABŞ-dakı bütün əkin sahələrinin 1%-i üçün 25 milyard dollarlıq çek yaza bilərəm. Çünki bilirəm ki, əkin sahələri real dünyada fayda verir. Bununla belə, mən bitkoinlər üçün eyni hərəkəti edə bilmərəm. İndi mənə dünyadakı bütün bitkoinlərə sahib olduğunuzu söyləsəniz və onların hamısını mənə 25 dollara təklif etsəniz belə, bunu qəbul etməzdim. Çünki bu bitkoinlərlə nə edə bilərəm? Nə vaxtsa aldığım bitkoinləri sizə satmalı olacağam”.
