Uzunmüddətdir ki, hərkəsin marağını cəlb edən İnstagrom alqoritmlərinin iş prinsipi məlum olub. Belə ki, Instagram baş icraçı direktoru olan Adam Mosseri İnstagram alqoritmləri ilə bağlı sualları cavabsız qoymadı. Adam Mosseri Kəşfet, Hekayələr, Reels, Feed alqoritmlərini ətraflı şəkildə izah edib.
Ümumiyyətlə dünyanın ən populyar sosial şəbəkələrindən biri olan Instagram illərdir istifadəçilərin marağına səbəb olur. Belə ki, hərkəs bu tətbiqin alqoritmlərinin necə işlədiyi öyrənməyə çalışır. Qeyd edək ki, tətbiqdə gün ərzində minlərlə hekayə, reels, məzmun və sairə paylaşılır. Lakin sosial şəbəkə bu məzmunları, hekayələri müəyyən alqoritm çərçivəsində izləyicilərin qarşısına çıxarır. Qeyd edək ki, Instagram kəşfet məzmunlarını istifadəçilərin qarşısına çıxarmadan əvvəl onların hansı tip paylaşımları bəyəndiyini, yadda saxladığını və şərh yazdığını araşdırır. Məhz bu kriteriyalara uyğun olan məzmunlar istifadəçilərin kəşfet-də qarşısına çıxır. Bundan əlavə kəşfet-də əsasən məşhur istifadəçilərin populyar məzmunları alqoritmlərdə ön plana salınır. Maraqlısı budur ki, əgər məşhur istifadəçilər öz paylaşımlarını davamlı edirsə, o zaman onun məzmunları daha az istifadəçi qarşısına çıxarılır.
Instagram sosial şəbəkəsində hekayələr daha fərqli alqoritmlərə sahibdir. Belə ki, söhbət hekayələrdən gedirsə, bir hesabın hekayələrinə nə qədər sıxlıqla baxmağınız və ya cavab olaraq DM atmağınıza görə sıralanır. Yəni Instagram alqoritmləri istifadəçilərin keçmişdəki davranışlarını təhlil edərək uğun hekayələri onun qarşısına çıxarır. Reels-lər isə kəşf et ilə bir çox eyni funksiyaya sahibdir. Lakin videodakı səs parçası, o cümlədən görüntülər kimi detallar Instaqram tərəfindən analiz edilir. Nəticədə isə istifadəçilərin daha çox diqqət etdiyi reels videoları onların qarşısına çıxarılır. Bir digər maraqlı məlumat da Feed yəni ana səhifəyə aiddir. İstifadəçilərin ana səhifəsi son vaxtlarda izlədikləri, bəyəndikləri və əlaqədə olduqları insanlara görə fərdiləşdirir. Belə ki, ən çox əlaqədə olduğunuz istifadəçinin məzmunları sizin qarşınıza daha çox çıxacaq.
