Xüsusi ilə qeydi-adi dizayna malik retro ruhlu smartfonları ilə məşhurlaşan Unihertz yeni Jelly Star modelini təqdim edib. Belə ki, 95x50x19mm ölçülərə və sadəcə 121 qram çəkiyə sahib olan yeni smartfon həm çox kiçik ölçüyə həm də qeyri-adi dizayna sahibdir. Kiçin ölçüsünə baxmayaraq smartfon olduqca güclü parametrlərə sahibdir. Qeyd edək ki, şəffaf çərçivəyə malik yeni smartfon bizə Nothing brendinin phone(1) modelini xatırladır. Nothing smartfonunda olduğu kimi şəffaf çərçivəyə və led işıqlara sahib olan model daha kiçik ölçüyə malikdir. Hətta smartfonun ölçüsünün nə qədər kiçik olduğunu xəyal etməyiniz üçün deyə bilərik ki, smartfon 2 batareya uzunluğundadır. Başqa sözlə desək 2 Jelly Star modelini 1 ovcunuza rahatlıqla sığışdıra bilərsiniz.
Şəffaf çərçivəyə malik olan Jelly Star smartfonu bizə nələr vədd edir?
Qeyd etdik ki, Unihertz brendinin yeni Jelly Star modeli kiçik ölçüsünə rəğmən iddialı performansa malikdir. Belə ki, smartfon öz gücünü MediaTek Helio G99 çipsetindən alır. Bu çipset gündəlik işlərinizi Jellt Star modelinə həll etməyinizə heçbir problem yaratmayacaq. Qeyd edək ki, qeyri-adi dizaynlı yeni smartfon 484×854 təsvir ölçüsünə malik 3.03 düymlük IPS ekran ilə təchiz edilib. 592 nit ekran parlaqlığına malik olan smartfon bazarda olan birçox orta seqment modeldən daha güclüdür.
Mavi və Qırmızı olmaqla 2 rəngdə təklif edilən Jelly Star modeli 8-256GB yaddaş həcminə sahib olacaq. Smartfonun şəffaf arxa tərəfində kamera sensoruna uyğun dizayn edilən led işıqlar görmək mümkündür. Qeyd edək ki, arxa tərəfdəki Led işıqlar xüsusi tətbiq vasitəsi ilə idartə oluna bilər. Hətta parametrlədə bunun üçün xüsusi menyu da mövcuddur. Lakin smartfonun arxa tərəfində yerləşən Led işıqların istifadə edilməsi 2000 mAs həcmə malik olan batareyanın ömrünə də ciddi şəkildə təsir edəcək. 7,4 Vatt şartj dəstəkləyən batareya təxminən 1 saat 20 dəqiqə ərzində tam şarj olur.
Olduqca kiçik çərçivəyə sahib olsa da Unihertz Jellt Star modeli 48 MP Samsung S5KGM2 sensoru ilə təchiz edilib. Həmçinin smartfon 2K QHD təsvir ölçüsündə 30 kadr sürəti ilə videolar qeydə alır. Qeyd edək ki, smartfon 8MP Sony IMX219 Exmor R sensoru ilə təchiz edilib. 3264×2448 təsvir ölçülü fotoşəkillər çəkə bilən kamera 1080p təsvir ölçüsündə 30 kadr sürəti ilə videolar da qeydə ala bilir. Həmçinin barmaq izi sensoru ilə təchiz edilən smartfon Android 13 sistemi ilə təklif olunur.
