Texnologiya sahəsinin nəhənglərindən olan Baltic Technology Ventures şirkəti Imajin.ai ilə ortaq investisiya müqaviləsi imzalayıb. Qeyd edək ki, Imajin.ai startapı onlayn alış-veriş sistemində 3D texnologiyaları ön plana çıxarmağa çalışır. Belə ki, platformanın əsas məqsədi şirkətlərin məhsullarını cəlbedici formada 3D texnologiyası ilə dizayn edərək müştərilərə təqdim etməkdir. Bildiyimiz kimi, onlayn alış-veriş sistemində hal-hazırda yüz minlərlə kiçik və böyük şirkət fəaliyyət göstərir. Məhsulların 3D texnologiyası ilə dizayn edilərək təqdim edilməsi bu şirkətlərdən daha yaxşı formada marketinq siyasəti yeritməyə səbəb olur. Beləliklə Imajin.ai ilə ortaq investisiya müqaviləsi şirkətlərin onlayn alış-veriş sistemindəki mövqeyini gücləndirir.
Imajin.az startapının həmtəsisçisi olan Orxan Məmmədov bildirir ki, “Biz Baltic Ventures-i son dərəcə dəyərli tərəfdaş hesab edirik və onları fərqləndirən cəhət onların startapları dəstəkləmək üçün vahid yanaşmasıdır. Göstərdikləri maliyyə dəstəyi ilə yanaşı, BTV komandası praktiki mentorluq təklif edərək uğurlarımıza səmimi ortaqlıq nümayiş etdirdi”. Həmçinin Orxan Məmmədov Baltic Ventures Techonolgy ilə əməkdaşlığın startapın böyməsinə əhəmiyyətli dərəcədə təsir edəcəyini də bildirib. Xatırladaq ki, Imajin.ai startapı daha əvvəl Nvidia və Microsoft kimi texnologiya nəhənglərinin proqramlarına qəbul edilmişdi.
Qeyd edək ki, Baltic Technology Ventures maliyələşdirmə, investorların cəlb olunması habelə mütəxəssislərin praktiki təcrübəsi ilə Imajin.ai startapının inkişaf edəcəyini düşünür. Bundan əlavə şirkət Baltic Times və digər media platformalarında Imajin markasının marketing reklamını etməyə çalışır. Məhz bu məqam Imajin markasının gələcəkdə daha çox texnologiya nəhəngi ilə əməkdaşlıq etməsinə səbəb ola bilər.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
