Dünyanın aparıcı mesajlaşma platformalarından biri olan WhatsApp yeniliklər etməyə davam edir. Belə ki, Meta şirkətinin WhatsApp platformasının artıq yeni Material You dizaynına keçid edəcəyi açıqlanıb. Əsasən WhatsApp Masaüstü versiyasına diqqət ayıran şirkət artıq android tərəfində də yenilik edəcək. Hətta tətbiqin 2.23.10.6 beta versiyasında artıq Material You dizaynından olan interfeysi görmək mümkündür. Qeyd edək ki, yeni dizayn tətbiqi daha müasir və daha cəlbedici edir.
Bildiyimiz kimi, artıq bir çox texnologiya nəhəngi hətta Google daha fərqli dizayn ilə qarşımıza çıxır. Google ilə yanaşı artıq WhatsApp şirkəti də daha fərqli dizayna keçid edəcək. Belə ki, WhatsApp platforması çoxdandır gözlənilən Material You dizayn elementlərinə sahib olacaq. Əsasən artıq hərkəsə tanış olan kart dizaynında olan elementlərə sahib olan yeni Material You dizaynı istifadəçilər arasında mübahisəyə səbəb olub. Belə ki, bəzi istifadəçilər tətbiqin daha müasir və daha cəlbedici dizayna sahib olduğunu bildirsə də, bəziləri tətbiqin əvvəlki dizaynının daha cəlbedici olduğunu bildirir.
Paylaşılan görüntülərə əsasən demək olar ki, WhatsApp Material You dizaynı daha çox parametrlər bölməsində daha müasir dizaynına sahibdir. Həmçinin daha fərqli rəng seçimləri istifadəçilərin gözünü yormayacaq. Yeni dizayn görüntüləri artıq paylaşılsa da, hələlik beta testi üçün təqdim edilməyib. Məhz bu səbəbdən də tətbiqdə daha hansı yenilklərin olduğunu bilmək mümkün deyil. Bundan əlavə yeni dizayn üçün müəyyən bir tarix açıqlanmayıb.
