Honor yeni 90 seriyasını təqdim etməyə hazırlaşır və son xəbərlər qarşıdan gələn smartfonlarla bağlı bəzi maraqlı xüsusiyyətləri ortaya qoyur. Çinin 3C sertifikatına əsasən, Honor 90 və Honor 90 Pro 100 Vt-a qədər güclü doldurma qabiliyyətinə malik cihazlar olacaq. Məşhur bir insayder olan DigitalChatStation da Honor 90 Pro haqqında bəzi məlumatları bölüşüb. Belə ki, cihazlar sələfləri ilə müqayisədə bəzi yeni üstünlüklər əldə edəcəklər. Xatırladaq ki, Honor 70 modeli seriyanın qlobal bazarda aktiv təmsil olunan bir modeli olsa da Honor 70 üzərinə Honor 80 seriyası ciddi təkmilləşdirmələr gətirməmişdi. Bəlkə də məhz bu səbəbdən Honor 80 seriyası qlobal bazarda heç eşitmədiyimiz bir model oldu. İndi isə Honor 90 seriyası bunu dəyişə bilər.
![](https://tedroid.com/media/2023/05/Honor-90-render-1.webp)
3C sertifikatı alınmış Honor 90 Pro maksimum 100 vatt gücündə çıxış edə bilən HN-200500C05/C06 model şarj cihazı ilə, Honor 90-ın isə HN-110600C00/C01/C02 dəstəklənən 66 vatt şarj cihazı ilə təchiz ediləcəyini ortaya qoydu. Hər iki cihaz geriyə doldurulma texnologiyasına sahib olacaq və bu, onları çox yönlü və istifadə üçün rahat edəcək. Doldurma qabiliyyətinə əlavə olaraq, Honor gələcək smartfonları bəzi təsir edici xüsusiyyətlərlə təchiz etdi. Həm Honor 90, həm də Honor 90 Pro modelinin 1,5K+ yüksək keyfiyyətli ekranla gəlməsi gözlənilir. Ən üst modeldə Snapdragon 8+ Gen 1 çipseti işlədilməsi gözlənilərkən, Honor 90 modeli Snapdragon 7 Gen seriyası bir çipsetlə gələcək. Bu çipsetin də Snapdragon 7 Gen 1 olması ehtimalı Snapdragon 7+ Gen 2 olmasından daha yüksəkdir. Nəticə etibarilə performans baxımından müəyyən qədər Dimensity 8200 və ya Snapdragon 7+ Gen 2 çipsetli rəqiblərinin gerisində qalacaq.
![](https://tedroid.com/media/2023/05/Honor-90-and-90-Pro-3C-certification.webp)
Ən maraqlı inkişaf 90 Pro-nun 200MP Samsung HP3 ISOCELL kamerasıdır. Bu, əvvəlki modeldə istifadə edilən 160 meqapiksellik kameradan əhəmiyyətli dərəcədə təkmilləşdirmələrə malikdir. Şübhəsiz ki, istifadəçilərə çox yaxşı foto imkanları təqdim edəcək. Honor 90 seriyasının təqdimat tarixini hələ təsdiq etməsə də, əvvəlki sızmalar bunun bu ayın sonu və ya gələn ayın əvvəlində baş verə biləcəyini göstərir.