Süni intellekt daha bir sahədə insanları işsiz qoya bilər. Belə ki, Google jurnalistlərin əvəzində xəbər yaza biləcək yeni Genesis süni intellektini hazırlayır. The New York Times mənbəsinin xəbərinə görə texnologiya nəhəngi artıq yeni süni intellektini sınaqdan keçirir. Qeyd edək ki, Genesis kod adlı bu süni intellekt bir neçə səhifəlik xəbər məqalələri hazırlaya bilir. Hətta yeni süni intellekt alqoritmi artıq bir çox məşhur xəbər səhifələrinin rəhbərlərinə də nümayiş olunub. Bu isə o deməkdir ki, gələcəkdə bir çox jurnalist də işsiz qala bilər.
Google şirkəti bir çox insanın düşüncəsində fərqli olaraq Genesis süni intellekt alətini jurnalistlərə kömək etməsi üçün hazırlayır. Yəni jurnalistlər süni intellekt alqoritminə istədikləri real və konkret hadisələr haqqından xəbər yazdıra və ya məlumat toplatdıra bilər. Lakin ChatGPT süni intellekt aləti də ilk dəfə təqdim edildikdə onun sadəcə insanlara kömək edəcəyi düşünülürdü. Daha sonralar onun daha təkmilləşdirilmiş versiyaları meydana çıxdı və bir çox sahədə insanların işini əlindən aldı. Genesis süni intellekt alqoritminin də jurnalistika sahəsində eyni prosesi təkrarlayacağı iddia olunur.
Təbii ki, iddiaların əksinə Genesis süni intellekt alqoritmi sadəcə jurnalistlərin işini asanlaşdıra da bilər. Ümumiyyətlə xəbər məqaləsi yazmaq böyük zəhmət tələb edir. Çünki jurnalist əvvəlcə hadisəni ətraflı araşdırmalı, onları analiz etməli, anlamalı və daha sonra yazılara çevirməlidir. Yeni süni intellekt alqoritmi isə sadəcə bir neçə saniyədə ona verilən məlumatları analiz edərək mətnə çevirə biləcək. Bu bir növ, ChatGPT süni intellekt çatbotunun iş prinsipinə bənzəyir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
