Bu gün dünyanın qarşısında duran ən böyük təhlükələrdən biri məhz zəlzələlərdir. Texnologiya bir çox sahədə inkişaf etsə də, alimlər hələdə bu təbii fəlakəti əvvəlcədən proqnozlaşdıra bilmirdi. İndi isə Science jurnalında dərc olunan araşdırmaya görə zəlzələni 2 saat əvvəldən xəbər vermək mümkün ola bilər. Bildiyimiz kimi, hazırda yalnız zəlzələnin baş verməsindən 2-3 saniyə əvvəl bununla bağlı xəbərdarlıq almaq mümkündür. Lakin bu müddət bütün tədbirlərin görülməsi üçün yetərli hesab olunmur.
Alimlər dünyada baş verən 100-ə yaxın böyük zəlzələdən GPS məlumatlarını əldə ediblər. Daha sonra bu məlumatları təhlil edərək təbii fəlakətin baş verməsindən 2 saat əvvəl yaranan siqnalları aşkar ediblər. Məhz bu siqnallar vasitəsi ilə zəlzələni 2 saat əvvəldən proqnozlaşdırmaq mümkün ola bilər. Təbii ki, bu məlumatları təhlil etmək elm adamları üçün müəyyən qədər çətin olub. Lakin nəhayət zəlzələdən əvvəl yaranan xəbərdarlıq siqnallarını aşkar edə biliblər. Bu siqnallar insanən hiss edə bilməyəcəyi qədər yavaş yeraltı hərəkətlərdir. Bunları sadəcə cihazlar hiss edə bilər.
Alimlər bu fikri daha əvvəl baş vermiş 100-ə yaxın zəlzələ üzərində sınaqdan keçiriblər. Bu zəlzələlərin rixter şkalasındakı gücü 7 bal və ondan daha çox olub. Nəticədə isə məlum olub ki, hər bir zəlzələnin yaranmasında təxminən 2 saat əvvəl müəyyən siqnallar yaranır. Bir növ torpaq sürüşür lakin bu hiss edilməyəcək qədər yavaşdır. Ümumiyyətlə zəlzələdən qorunmaq üçün ilk öncə Yaponiyadakı kimi binalar inşa etmək lazımdır. Lakin bütün dünyada bu cür infrastruktur olmadığı üçün onlar zəlzələnin baş verməsindən əvvəl müəyyən tədbirlər görməlidir. Təbii ki, bu tədbirləri görmək üçün müəyyən zaman tələb olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
