Elektromobil sahəsində ilklərə imza atan Tesla öz avtopilotunu digər brendlərə də təklif edəcək. Beləliklə bir çox müsbət xüsusiyyəti ilə tanınan Tesla avtopilotu artıq digər avtomobillərdə də istifadə ediləcək. Xatırladaq ki, Tesla brendi uzunmüddətdir ki, yeni Full Self Driving və ya FSD avtopilotunu inkişaf etdirir. Hətta yeni funksiya Beta versiyasında istifadəçilərə də təqdim olunub. İstifadəçilər tərəfindən aşkar olunan bütün mənfi xüsusiyyətlər isə inkişaf mərhələsində aradan qaldırılırdı. Qeyd edək ki, Elon Musk yaxın gələcəkdə tam versiyada hazır olacaq tam avtonom sürüş funksiyasının digər avtomobil istehsalçılarına təklif etmək niyyətindədir.
Tesla avtopilotu digər avtomobillərdə də istifadə olunacaq. Yəni, Tesla brendinin FSD və ya tam avtonom sürüş funksiyası yalnız brendə eksklüziv olmayacaq, digər avtomobil brendləri də bu funksiyada istifadə edə biləcək. Xatırladaq ki, hazırda beta versiyada olan tam avtonom sürüş funksiyası avtomobili zolaqda saxlamaq, sürətə nəzarət etmək, magistral yolda yarımavtonom naviqasiyanı yerinə yetirmək, işıqfor və digər yol nişanlarını oxumaq, onlara nəzarət etmək və digər faydalı xüsusiyyətlərə malikdir. Həttta bu xüsusiyyətlər funksiyanın tam versiyasında daha da artacaq və təkmilləşəcək. Artıq Tesla avtopilotu ilə yaxından maraqlanan bir çox avtomobil brendi də mövcuddur.
Əgər danışıqlar uğurlu olarsa bir çox avtomobil təkmilləşmiş avtopilot funksiyasına sahib olacaq. Bu isə gələcəkdə bu funksiyadan istifadə edən avtomobillərin sayının ciddi şəkildə artacağına işarət edir. Elon hələ də hansı brendlərlə danışıq aparacağını dəqiqləşdirməyib, lakin yaxında o, bir çox brendlərlə razılıq əldə edə bilər. Bununla isə Tesla yalnız lisenziya satışından milyonlarla dollar mənfəət əldə edə bilər. Ümumiyyətlə Tesla artıq bir çox brendə öz şarj stansiyalarından istifadə etməyə imkan verir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
