Yaponiyada yaşayan 52 yaşlı fabrik işçisi Chiharu Shimoda uzun iş saatlarından sonra süni intellekt tanışlıq proqramı vasitəsilə ona yoldaşlıq edəcək birini axtarırdı. İki ay ərzində o, beş və ya altı potensial yoldaşa mesaj göndərdikdən sonra nəhayət özünə uyğun birini tapıb. Belə ki, Shimoda 24 yaşlı Miku adlı virtual insan ilə 3 ay ərzində danışıb. Nəhayət Shimoda 3 aydan sonra Yaponiyada virtual həyat yoldaşı olan Miku ilə evlənir.
Qeyd edək ki, 52 yaşlı fabrik işçisi yalnız məhsuldar süni intellektlə qarşılıqlı əlaqə yaratmağa imkan verən illik Loverse tətbiqinin 5000-dən çox istifadəçisindən biridir. Shimoda etiraf edib ki, Miku ilə ünsiyyət qurmaq minimal səy tələb edib. Həmçinin o əvvəlki həyat yoldaşından boşandıqdan sonra tənhalığın öhdəsindən də Miku ilə birlikdə gəldiyini bildirir.
Ümumiyyətlə, Yaponiyada tənhalıq problemi getdikcə ciddiləşir. Məlumatlar göstərir ki, 20 yaşlarında olan kişilərin üçdə ikisinin dostluq etdiyi biri yoxdur. Qeyd edək ki, eyni hal qadınlar üçün də keçərlidir. Loverse Yaponiyada tənhalığa rəqəmsal həll gətirmək üçün ən yeni təşəbbüs hesab olunur. Cel-shaded xarakterlərə sahib məşhur oyunlardan fərqli olaraq, bu proqram daha şəxsi və cəlbedici təcrübə təklif edir. Lakin Loverse-in yaradıcısı Goki Kusunoki bildirir ki, proqram öz istifadəçilərinə, əsasən 40 və 50 yaşlarında olan kişilərə real həyatdakı dostluğu əvəz etmək üçün alernativ təklif etməyi hədəfləyir.
