Çinin ən böyük külək turbini istehsalçısı olan MingYang, son aylarda təqdim etdiyi dünyanın ən böyük iki rotorlu üzən külək platforması olan OceanX-in tikintisini tamamlayıb. Qeyd edək ki, məşhur külək türbini istehsalçısı dünyanın ən böyük üzən külək enerjisi platformasını sadəcə 4 ay ərzində ərsəyə gətirib. Aprel ayında başlayan quraşdırma prosesinin bu yaxınlarda tamamlandığını açıqlayan şirkət, yeni platformasında ümumi 16,6 MVt enerji istehsalı təklif edir.
![iki rotorlu külək platforması](https://tedroid.com/media/2024/07/dunyanin-iki-rotorlu-uzen-kulek-platformasi.webp)
V formalı qüllə quruluşuna malik olan OceanX, iki qülləsində Mingyang MySE8.3-180 (8,3 MVt) hibrid idarə olunan dəniz külək turbinini daşıyır. Bu iki turbin sayəsində isə türbinin ümumi gücü 16,6 MVt təşkil edir. Bu günə qədər külək sənayesində qurulan ən fərqli dizaynlardan birinə sahib olan külək türbini olduqca uğurlu alınıb. Mingyang, OceanX platformasındakı əsasən körpülərdə gördüyümüz kabel bağlama sistemindən istifadə edir. Belə ki, bu kabel çəkmə üsulunun yükün ötürülməsini asanlaşdırdığı və əlbəttə struktrun daha yüngül olmasına şərait yaratdığı bildirilir. Mingyang açıqlamasında, OceanX-in yenilikçi V formalı qüllə dizaynının xüsusilə son dərəcə şiddətli tayfun şəraitində istehsal səmərəliliyini artıran və yükü azaldan dizayna sahib olduğunu bildirir.
![iki rotorlu külək platforması](https://tedroid.com/media/2024/07/dunyanin-iki-rotorlu-uzen-kulek-platformasi-1.webp)
Dünyanın ən böyük iki rotorlu üzən külək platformasının zirvəsinə həm lift, həm də pilləkənlər ilə qalxmaq mümkündür. İldə təxminən 54.000 MVt/saat elektrik enerjisi istehsal edəcəyi gözlənilən platformanın təxminən 30.000 ev təsərrüfatını enerji ilə təmin edəcəyi gözlənilir. Bildirilir ki, qanadının diametri 182 m olan OceanX-in çəkisi təxminən 16500 tondur və ən azı 35 m dərinlikdəki sularda fəaliyyət göstərə bilər. Digər tərəfdən, Mingyang-ın verdiyi açıqlamaya görə, OceanX 79,8 m/s-ə qədər olan küləklərə və 30 metrə çatan dalğalara tab gətirə bilir.