Qualcomm şirkəti bu gün iki yeni orta seqment çipsetini rəsmi olaraq təqdim edib. Aydın məsələdir ki, söhbət Snapdragon 6 Gen 1 və Snapdragon 4 Gen 1 çipsetlərindən gedor. Bu prosessorlar Snapdragon 600 və 400 seriyasının davamı olacaqlar. Lakin şirkəti yenə də qarşıdakı aylarda rəqəmli adlandırmadan istifadə edə bilər. Bu barədə hansısa bir məhdudiyyət yoxdur. Əlavə olaraq hər iki çipset Gen 1 nəslinə uyğun olaraq 5G standartını dəstəklədiyi üçün büdcəli modellərdə də bu xüsusiyyət əlçatan olacaq.
Snapdragon 6 Gen 1 prosessoru nə vəd edir?
Yeni Snapdragon 6 Gen 1 çipseti 4nm texnoloji prosesi ilə istehsal olunub. Keçən dəfə paylaşdığımız yazıda bildirdiyimiz kimi böyük bir ehtimalla Samsung əsaslı 4nm texnoloji prosesə sahibdir. Təəssüf ki, Qualcomm istehsalçının kim olduğunu bildirmir. Nüvə düzülüşü barədə də kasad məlumatlar bölüşən şirkətin bu çipsetində 4 ədəd Cortex-A78 və 4 ədəd Cortex-A55 nüvələrinin işlədildiyi bildirilir. Belə olduğu halda Snapdragon 6 Gen 1 adətən, performans sıçrayışı yaşaya bilər. Cortex-A78 nüvələri 2,2 GHz tezlikdə işləyir. Qualcomm şirkətinin sözlərinə əsasən, öncəki çipsetlər ilə müqayisədə ümumi performans göstəricisi 40%, GPU göstəricisi isə 35% artacaq. Smartfonun görüntü emalı çipi 108MP-ə qədər kamera sensorlarını və 4K HDR video çəkilişini dəstəkləyir.
Dəstəklənən simsiz bağlantı texnologiyaları arasında Wi-Fi 6E və Bluetooth 5.2 mövcüddur. Əlavə olaraq X62 5G modemi də quraşdırılıb. LPDDR5 operativ yaddaş çiplərini dəstəkləyir. Snapdragon 6 Gen 1 prosessoru 2023-ci ilin 1-ci yarısından etibarən istehsal olunacaq smartfonlarda quraşdırılacaq. Ehtimallara görə 6 Gen 1 çipsetini ilk alanlar arasında Motorola Moto G xəttinin modelləri olacaq.
Büdcəli smartfonlar üçün 4 Gen 1
Daha büdcəli smartfonlarda Snapdragon 4 Gen 1 çipseti istifadə olunacaq. Bu çipset TSMC istehsalı 6nm texnoloji proses ilə hazırlanıb. Verilən məlumatlara görə, öncəki platforma ilə müqayisədə CPU göstəricisi 15%, GPU göstəricisi isə 10% artacaq. Yeni çipset həmçinin 108MP kamera sensorlarını dəstəkləyəcək. Video çəkiliş isə yalnız 1080p təşkil edəcək. Prosessor 2 ədəd Cortex-A78 və 6 ədəd enerji səmərəli Cortex-A55 nüvələri ilə təmin olunub. Eyni zamanda çipsetə X51 5G modemi quraşdırılıb. Bu prossesor ilə təchiz edilmiş ilk smartfon iQOO Z6 Lite olub yaxın vaxtlarda təqdim ediləcək.
