Ağıllı saat bazarının aparıcı adlarından biri olan Samsung bu sahədə yeni ideyalar yaratmağa davam edir. İndi Cənubi Koreya nəhəngi proyektorlu Galaxy Watch üçün ABŞ Patent və Ticarət Nişanları İdarəsinə müraciət edib. Yeni dizayn smart saatların istifadəsini genişləndirə bilər.
Yeni Galaxy Watch patenti ağıllı saatlara daha çox dəyişikliklər gətirə bilər!
Patent müraciətinə əsasən, Samsung, saat qayışına yerləşdirilmiş proyektor vasitəsilə şəkillərin əl səthinə proyeksiya edilməsinə imkan verəcək. Bunun davamlı olaraq yolda olan istifadəçilər üçün asan və praktik olacağını deyə bilərik. Patent həmçinin göstərir ki, proyeksiya edilən təsvirin fokus və bucağı saatdakı bir sıra sensorların köməyi ilə adaptiv olaraq dəyişə bilir. Patent diaqramlarında həmçinin iki cərgədə düzülmüş bir sıra xüsusi obyektivlər və LED işıqlandırmalar da göstərilir ki, bu da Galaxy Watch modelindəki bir növ proyektorun şəkil və ya materialı təhrif etmədən əlin üzərinə proyeksiya etməsinə imkan verəcək. Bununla belə, şəklin düzgün təqdim edilməsi üçün biləyinizi düz tutmaq yenə də vacib olacaq.
Yeni patentlə Samsung ağıllı saatlara fərqli funksiyalar da gətirə bilər. Çünki patent faylında şirkət qeyd edir ki, “proyeksiya ekranında göstərilən məlumat, ekran modulunda göstərilən məlumatdan fərqlidir”. Bu kontekstdə yeni konsept saatı videozəng və digər funksiyalar aktiv olarkən, proyeksiya ilə fərqli məlumatları göstərməkdə istifadəyə imkan verə bilər. Kamera əlavə oluna biləcəyi barədə dəqiq məlumat yoxdur, lakin olması da əslində müəyyən təhlükəsizlik problemləri səbəbilə məntiqli olmayacaq. Nəticədə konsept çox maraqlı olduğundan kameraya görə problemlə yaşanması istənilməyəcək.
Bu gün bir çox texnologiya nəhəngi gələcək planlarına uyğun olaraq yeni patentlər üçün müraciət edirlər. Bununla belə, bir çox ideyalar həyata keçirilə bilmir. Yeni patentin Galaxy Watch modellərində istifadə edilib-edilməyəcəyi hələ məlum deyil. Bu texnologiya inkişaf etdirildikcə, ağıllı saatlarda daha çox modifikasiya və dəyişikliklər görə bilərik.
