Qabaqcıl yaddaş texnologiyaları ilə məşhur Samsung brendi tərəfindən bu işin sərhədlərini sınayan yeni bir SSD təqdim olunub. Şirkət hipermiqyaslı məlumat mərkəzləri üçün sənayenin ilk 256TB SSD modelini təqdim edib. Təsəvvür edin ki, 256GB ilə müqayisədə 256TB daxilində (256000GB) həcmli məlumatı depolamaq mümkündür.
Samsung-un açıqlamasına görə, yüksək tutumlu SSD 3D QLC NAND texnologiyasından istifadə edir və səkkiz 32 TB SSD-ni bir yerə yığmaqdan təxminən yeddi dəfə az enerji sərf edir. Samsung detalları paylaşmasa da, SSD-nin məlumat mərkəzləri üçün istehsal edildiyini nəzərə alsaq ESDFF, ya da NGSFF standandartlarına malikdir. 256TB SSD sənayedə ən yüksək inteqrasiya sıxlığına sahib olması ilə də fərqlənir. Təbii ki, 256TB SSD ilə yanaşı, .şirkət PM9D3a SSD modelini də qarşımıza çıxarıb. Keçən ilki modellə müqayisədə PM9D3a 2,3 dəfə yüksək ardıcıl oxuma, 2 dəfə daha sürətli təsadüfi yazma sürəti və 60% daha yaxşı enerji səmərəliliyi təklif edir. O, həmçinin qabaqcıl telemetriya və xəta sazlama funksiyalarına da malikdir.
Samsung 256TB SSD-nin buraxılış tarixi və qiyməti ilə bağlı məlumat paylaşmayıb. Digər SSD modeli isə 2024-cü ilin birinci yarısında 3TB-dan 30TB-a qədər tutumla satışa çıxarılacaq, eyni zamanda onun da qiyməti məlum deyil.
