Parmezan biznesi ilə məşqul olan italiya şirkəti, saxtakarlıq ilə mübarizəsini gücləndirib. Bu xəbər nə qədər gülməli görsənsə də, bir o qədər də ciddidir. Pendir sevənlərin əksəriyyəti Kraft parmezan pendir növünü aldıqda, onun italiyadan gəldiyinə 100% əmin ola bilmirlər. Bu pendir növünün (Parmigiano) istehsalçıları üçün saxtakarlıq böyük problemə çevrilib.
Bir çox avropa məhsullarında olduğu kimi, parmezan pendirin qorunan mənşə təyinatı var. Parmigiano Reggiano Consortium-a (pendirin rəsmi ticarət qrupu) görə, saxta pendir istehsal həcmi orijinal məhsulun satış həcmi qədər yüksəkdir. Rəsmi Parmigiano Reggiano pendirin satışı 2,44 milyard dollar təşkil edir. Saxta pendir satışı isə eyni zamanda 2,08 milyard dollara çata bilib.
Parmigiano Reggiano məhsullarına P-Chip quraşdırılacaq
Lakin bu problemi aradan qaldırmaq üçün, Parmigiano Reggiano-nun artıq yeni yüksək texnologiyalı partnoru var. Bundan sonra saxta parmezan pendirinin satışına qarşı yeni texnologiyalar istifadə olunacaq. Bunun üçün Parmigiano Reggiano Consortium, Kaasmerk Matec (aparıcı kazein pendir istehsalçısı) və P-Chip ilə birləşib. P-Chip şirkəti rəqəmsal izləmə texnoloqiya şirkətidi. Bu texnoloqiya hesabına, qida məhsulları üçün təhlükəsiz olan, çox kiçik ötürücülər quraşdırılır. Eyni texnoloqiya artıq Parmigiano Reggiano şirkətinin parmezan pendirlərində istifadə olunacaq.
Son 20 il ərzində Parmigiano Reggiano pendirlərin unikal hərf-rəqəmsal izləmə kodları ilə təmin olunurdu. İndi isə artıq P-Chip mikro ötürücülərin orijinal parmezan pendirlərində quraşdırılması sınaqdan keçirilib. Bu ötürücü vasitəsi ilə fiziki əşyaların rəqəmsal əkiz yaradılır. Bu skan edilə bilən mikro ötürücü duz dənəcəyindən daha kiçikdi. Eyni zamanda ötürücü çox dözümlüdür.
Yeni texnoloqiya parmezan istehsalçısının işini asanlaşdıracaq
“P-Chip mikro ötürücülərin hesabına, Parmigiano Reggiano öz ehtiyyatlarına daha yaxşı nəzarət edə və oxşar olan brendlərdən qoruya və fərqləndirə bilər. Həmçinin belə hallar zamanı özlərini məhsullarını qorumaq üçün yeni texnologiyadan istifadə edə bilər.” P-Chip Corporation-ın baş direktoru Co Vaqner bildirib.
Konsorsium tərəfindən paylaşınan məlumata əsasən, yeni mikro ötürücülər 100 000 Parmigiano Reggiano parmezan pendir başlıqlarına quraşdırılacaq. Sınaq mərhələsi 2022-ci ilin 2-ci yarısında bitəcək və sonra bu texnologiyanın daimi istifadə olunması haqqında qərar veriləcək.
Beləliklə kənarda sadə və gülməli görünən məsələnin bu dərəcədə əhəmiyyətli olduğunu anlaya bildik. Aydın məsələdir ki, İtaliya dövləti və şirkətin məhsulunu qorumaq üçün əlindən gələni edəcək. Nəticədə isə alıcılara yüksək keyfiyyətli və əvəzolunmaz dadı olan parmezan pendiri çatdırılacaq.
