Piydaların avtomobillər ilə yaxından əlaqədə olduğu keçid, qovşaq, yaşayış məntəqələri və bu kimi ictimai yerlərdə yüksək sürət daim təhlükə mənbəyi olub. Yüksək sürətin qarşısının alınması məqsədilə müxtəlif həll yolları tətbiq edilir. Buna yollarda yaradılmış süni çıxıntı və yüksəltmələr, tramplinlər, maksimum sürətin aşağı salınması və.s aid edilə bilər. Real şəraitdə isə bütün bu maneələr bəzən diqqətsizlik və ya məsuliyyətsizlik səbəbilə həmişə effektiv olmur. Həyati təhlükəsizliyimizin qorunmasını istəyiriksə, yeni variantlar düşünməliyik. Təbii ki, burada innovativ texnologiyaların işimizə yaraması mümkündür. Lakin bundan ağıllı formada yararlanmağın üsulunu tapmaq lazımdır. Ford şirkəti məhz burda önə çıxaraq yeni nəsil avtomobillərin sürət həddinə görə avtonom əyləcləmə texnologiyasını hazırladığını açıqlayıb.
Geofencing Avtonom əyləcləmə texnologiyası necə işləyəcək?
Avtomobil istehsalçısı Ford, əvvəlcədən müəyyən edilmiş ərazilərə daxil olduqda nəqliyyat vasitəsinin sürətini avtomatik olaraq limitləyən yeni Geofencing texnologiyasını test edir. İndiyə qədər avtomobillərdə bənzər sürət limitlənməsi xüsusiyyətləri var idi. Amma bu yenilik ilə avtomobilin sürəti həmin əraziyə daxil olduqda avtomatik aşağı düşürülür. Həmin bölgəyə sürət həddindən yuxarı sürətlə daxil olmusunuzsa avtomobil avtomatik əyləcləyir. Təbii ki, bölgəyə yaxınlaşdıqda sürücü ekranda bu barədə məlumatlandırılır. Sürət limiti ekranda göstərilir. Sürücü əgər sürətini aşağı salmasa və ya sürətini azaltmasa avtonom əyləcləmə baş verir. Bəli, əgər bu funksiyanı qapatmağa həqiqətən ehtiyac varsa sistemi söndürməyiniz mümkündür.
Hal-hazırda Almaniyada bu yenilik test edilir. Köln şəhərində aparılan bu testlər bir il davam edəcək. Ford şirkəti bunun üçün E-Transit yük avtomobilindən yararlanır. Şəhərin müxtəlif hissələrindəki 50Km/s və 30Km/s sürət hədləri arasında avtonom əyləcləmə xüsusiyyətinin nə dərəcədə effektiv işlədiyi araşdırılır. Bununla belə Ford xəritə üzərindən dövlət və ya özəl qurumların bölgəyə özəl sürət limiti təyin etməsini təmin edəcək. Məktəblər, xəstəxanalar və piyadaların sıx olduğu ictimai yerlərin ətrafında sürət istəyə uyğun məhdudlaşdırılacaq. Gələcəkdə bu texnologiyanın zəruri tətbiqi imkan verəcək ki, ağıllı şəhərlərin qurulmasında ənənəvi sürət həddi lövhələri ilə vidalaşaq.
Geofencing olaraq adlandırılmış texnologiyanın digər bir avantajlı tərəfi də var. Sürücü bu texnologiyaya güvənib gözünü daim yolda saxlaya bilər və sürət lövhəsinə baxmaq üçün gözünü yoldan ayırmaz. Nəticədə təhlükəsizlik problemləri daha da azal bilər.
