Bildiyimiz kimi, bu ilin yanvarında ilk iflic olmuş könüllü insan əməliyyat olunub və onun kəllə sümüyünə Neuralink implantı yerləşdirilib. İndi isə aparılan sınaq testlərində məlum olub ki, Neuralink implantlı xəstə kompüterdə rahatlıqla kursoru düşünərək hərəkət etdirməklə şahmat oynaya bilir. Bu həftə şirkət könüllünün əməliyyatdan sonra yeni fiziki qabiliyyətlərini nümayiş etdirən bir video yayımlayıb.
Elon Musk-ın X platformasında paylaşılan yayım zamanı şirkətin bir təmsilçisi izləyicilərə səkkiz ilkdir ki, onurğa xəstəliyindən əziyyət çəkən və dörd bədən üzvünü hərəkət edirmək qabiliyyətini itirmiş 29 yaşındakı Noland Arbaugh-u təqdim edib. Xüsusi oturacaqda əyləşən xəstənin özünün də izah etdiyi kimi, o, qollarını və ayaqlarını hərəkət etdirə bilmir və çiyin səviyyəsindən aşağıda heç nə hiss edə bilmir. Eyni zamanda, könüllünün özü də yayım zamanı çox şən idi, gülümsəyir və xeyli zarafat edirdi. Onun sözlərinə görə, implant əməliyyatı çox asan keçib və elə ertəsi gün xəstəxanadan buraxılıb.
Təmsilçi bildirib ki, Noland, bir qədər məşq etdikdən və avadanlıq quraşdırdıqdan sonra ağlı ilə noutbukun ekranındakı kursoru idarə etməyi öyrəndi. İndi isə Neuralink implantlı ilk xəstə kompüterdə rahatlıqla şahmat oynaya bilib. Civilization VI strategiya oyununu və şahmatı sınadıqdan sonra Noland şahmatı daha çox sevdiyini bildirib. Hətta Noland şahmat oynayarkən təcrübələrini davam etdirmək üçün implantın batareyasının doldurulmasını həyəcandan gözləyə bilmədi. Neuralink beyin implantını alan ilk xəstə etiraf etdi ki, şirkətin texnologiyası qüsursuz deyil, lakin o, əmindir ki, bu həyə yolun başlanğıcıdır.
