Ötən ilin iyun ayında Micron şirkəti tərəfindən dünyanın ən böyük yaddaş həcminə sahib mikro yaddaş kartı anons edilmişdi. Hansı ki, həmin yaddaş kartı 1.5TB yaddaş həcminə malik idi. Micron i400 adlandırılmış yaddaş kartı texniki cəhətdən çox güclü olub şirkət tərəfindən 5 il boyunca 7/24 saat işləmə zəmanəti ilə gəlirdi. Xüsusilə təhlükəsizlik kamerası sistemləri üçün (CCTV) hazırlanan bu yaddaş kartı 1.5TB yaddaş tutumu sayəsində 4 ay ərzində video qeydlərin axsamadan qeydə alınması üçün nəzərdə tutulmuşdu. Belə ki, dünyanın ilk 1.5TB mikro yaddaş kartı, nəhayət diqqət çəkən qiyməti ilə satışdadır.
Micron i400 yaddaş kartı ən ucuz tapıla bilən qiyməti 420 dollar təşkil edir
Bəli, bir smartfon qiymətinə satılan yaddaş kartını ən az 12.000 ədəd alan şirkətlər üçün minimal qiymət 381 dollara qədər düşür. Bu halda isə ümumilikdə 4,5 milyon dollar miqdarında ödəniş etmək lazım gəlir. Müqayisə üçün qeyd edək ki, Micron tərəfindən istehsal edilən 1TB mikro yaddaş kartlarının ədədi təqribən 90 dollar səviyyələrində dəyişir. Bəziləriniz aradakı 4 dəfədən çox qiymət fərqinin 512GB əlavə yaddaşa görə yarandığını düşünə bilərsiniz. Lakin Micron i400 yaddaş kartı üçün aradakı qiyməti artıran şey sahib olduğu texniki imkanlardır.
1.5TB həcmə sahib i400 modelinin istehsal prosesi 176 qatlı 3D NAND texnologiyalı yaddaş çiplərinə əsaslanır. Yaddaş kartı kənar tətbiqlərin yaddaş kartının topladığı datalar üzərində real zamanlı süni intellekt analizi etməyinə imkan verir. Məsələn, ağıllı kameraların və digər cihazların qoşulduğu sistemlərdə məlumat fərqli bir mənbəyə ötürülmür. Əməliyyat birbaşa yaddaş kartı üzərində icra edilir. Tam olaraqs 8 fərqli süni intellekt sisteminin eyn vaxtda 4K videoları yaddaş kartı üzərindən işləməsi mümkün olur. Obyektlərin aşkarlanması, üzlərin skan olunması tipli proseslər üçün dataya birbaşa müdaxilə imkanı təmin edilir. Eyni zamanda mənfi 25 dərəcədən, müsbət 85 dərəcəyə qədər temperaturlarda işini davam etdirir. Yəni adi bir yaddaş kartı görünüşündə olan, lakin dünyanın ən innovativ yaddaş kartı hesab edilir.
