Sosial media platformaları bu gün uşaqdan böyüyə hər kəs tərəfindən istifadə edilir. Məhz bu qədər fərqli yaşlarda və fərqli tərzlərdə olan insanların sosial media istifadə etməsi bəzən istəmədəyiniz məlumatların və ya xəbərlərin qarşınıza çıxmasına səbəb ola bilir. Instagram, Threads, Facebook kimi sosial media platformalarına sahiblik edən Meta indi siyasi xəbərlərdən istifadəçiləri qurtaracaq.
Beləliklə, Meta ilk növbədə Instagram və Threads platformalarında istifadəçilərin qarşısına siyasi xəbərlərin çıxmaması üçün seçim təklif edəcək. Meta siyasi xəbərlərdən bezənlər üçün belə bir addım atıb. Yeni xüsusiyyət istifadəçilərə siyasi məzmunlu xəbərləri və ya mövzuları məhdudlaşdırmağa imkan verir. Qeyd edək ki, bu addım platformaların istifadəsini hər kəs üçün daha rahat etmək məqsədi daşıyır.
Metanın tərifinə görə, siyasi məzmunlar və ya xəbərlər, hökumətlərə, insan qruplarına və bütövlükdə cəmiyyətə təsir edən mövzuları əhatə edir. Başqa sözlə, demək olar ki, bütün məzmunlar siyasi hesab oluna bilər. Yeni funksiya defolt olaraq bütün istifadəçilər üçün aktivdir. Şirkətdən verilən açıqlamada bildirilir ki, “Bu məzmunu dərc edən hesablara abunə olmağı seçsəniz, müdaxilə etməyəcəyik. Bununla belə, abunə olmadığınız hesablardan qarşınza siyasi məzmunların çıxmasını istəmirik.” Yəni funksiya aktivləşdirilərsə, Explore, Reels, post təklifləri və tövsiyə edilən hesablarda müəyyən postların görünməsi məhdudlaşdırılacaq.
İstifadəçilər yeni funksiyanın onların tətbiqlərində mövcud olub-olmadığını yoxlaya və onu öz tətbiqlərində quraşdıra bilərlər. Bunu etmək üçün isə, Siyasi məzmun seçiminin göründüyü “Tövsiyə olunan Məzmun” bölməsinə daxil olmaq lazım gəlir. Burada istifadəçilər üçün daha bir seçim də mövcuddur. Belə ki, bu seçim daha az siyasi və sosial yazıları görməyi təklif edir.
