Xiaomi həm Tesla Model 3, həm də Porsche Taycan-ı bir atışla öldürdü. Belə ki, bir neçə ay əvvəl təqdim olunmuş Xiaomi-nin ilk elektromobili olan SU7 bu gün rəsmi olaraq satışa çıxdı və qiyməti bəlli oldu. Üstəlik elektromobilin qiyməti onu dünyanın ən güclü xüsusiyyətlərinə sahib, ən ucuz qiymətli avtomobili edəcək qədər iddialıdır.
Xiaomi intriqasını sona qədər davam etdirdi, bu da qiymətin rəsmi təqdimata qədər gizli qalmasına yaxşı kömək etdi. Yalnız ilk avtomobili olan Xiaomi SU7-nin qiyməti ilə bağlı şayiələri gücləndirdi. Əvvəlcə avtomobilin qiyməti 300 min yuan (41,5 min dollar) göstərilmişdisə, bu gün qiymətlərin rəsmi açıqlanması ərəfəsində 500 min yuan (69 min dollar) ətrafında söz-söhbətlər yayılmışdı. Lakin elektromobil olduqca şok edici sərfəli qiymətə malikdir.
Elektromobilin sadə versiyasının qiyməti cəmi 29,9 min dollardır. Bu qiymət dolu opsiyalı Toyota Camry səviyyəsindədir, lakin texnologiya baxımından Xiaomi SU7 və Camry-ni müqayisə etmək olmaz. Etibarlılıq baxımından nə olacağını zaman göstərəcək, lakin SU7 elektromobilinin texniki imkanları çox güclüdür. Məsələn, Xiaomi SU7-nin bu qiymətə olan sadə versiyası 100 km/saat həddinə 5,28 saniyəyə çatır və maksimal sürəti 210 km/saatdır. 73,6 kVt/saat tutumlu batareyasının yürüyüş məsafəsi isə tam 700 km-dir.
Seriyanın ikinci modeli Xiaomi SU7 Pro-dur. Eyni 5,7 saniyə 100 km/saat və maksimum 210 km/saat, lakin dartma batareyası daha böyükdür. 94,3 kVt/saat həcm ilə 830 km-ə qədər məsafə qət edir. Xiaomi SU7 Pro qiyməti isə sadəcə 34 min dollardır.
Nəhayət, elektromobilin ən top versiyası isə 41,3 min dollarlıq qiyməti ilə Xiaomi SU7 Max-dir. O, 100 km/saat həddinə 2,78 saniyəyə çatır və maksimal sürəti 265 km/saat təşkil edir. İki elektrik mühərrikinin gücü 673 at gücü, məsafəsi 800 km-dir. Burada 101 kVt/saat gücündə batareyadan istifadə olunur. Xiaomi, Pekindəki sıfırdan tikdiyi özünə məxsus fabrikinin tam gücünə çatdıqda, hər 76 saniyədə bir avtomobilin xəttdən çıxacağını və bir neçə həftə ərzində tədarüklərə başlayacağını bildirib. Tələb Çində o qədər yüksəkdir ki, qlobal bazara satışların nə vaxt başlayacağını şirkət açıqlaya bilmir.
