Bildiyimiz kimi, ötən gün Xiaomi brendi ilk elektrikli avtomobili olan SU7 modelinin Çindəki satış qiymətlərini elan etdi. Ümumiyyətlə, Xiaomi 14 seriyası ilə birlikdə təqdim edilən SU7 modeli texnologiya və avtomobil həvəskarlarının diqqətini cəlb etmişdi. Qiymət barəsində isə müxtəlif iddialar səsləndirilirdi. Əvvəlcə bu avtomobilin 60 min dollar başlanğıc qiymətinə, daha sonra isə 40 min dollar başlanğıc qiymətinə sahib olacağı iddia edilmişdi. Nəhayən ötən gün, Xiaomi SU7 modeli satışa çıxarılıb və qiymətlər bəlli olub. Maraqlısı budur ki, sadəcə 29.9 min dollar başlanğıc qiymətinə sahib olan Xiaomi SU7 7 dəqiqədə 20 mindən çox satılıb.
Beləliklə, Xiaomi həm Tesla Model 3, həm də Porsche Taycan-ı bir atışla öldürdü. Bildiyimiz kimi Xiaomi SU7 seriyasına 3 model: SU7, SU7 Pro və SU7 Max daxildir. Burada ən sadə və ən ucuz versiya məhz SU7 olduğu halda ən top versiya da SU7 Maxdır. Qeyd edək ki, ötən gün satışa çıxarılan avtomobil Çində və dünyada çox böyük maraqla qarşılanıb. Xiaomi Qrupunun sədri Lu Weibing ötən gün satışa çıxarılan Xiaomi SU7 elektromobillərinin rekord sürətlə satıldığını təsdiqləyərək, onları dəstək verənlərə təşəkkürlərini bildirib. Cəmi 4 dəqiqə ərzində Xiaomi SU7 satışları 10 mini ötüb. Hətta Xiaomi saniyədə orta hesabla 48 avtomobil satıb.
Satışların başlamasından 7 dəqiqə sonra Xiaomi 20 mindən çox SU7 satmışdı. Bundan əlavə, avtomobillərin rəsmi olaraq mövcud olan bütün rənglərini əks etdirən görüntü də yayılıb. Həmçinin Xiaomi brendi SU7 ilə eyni rənglərə sahib olan Xiaomi 14 və Xiaomi 14 Pro smartfonlarının xüsusi seriyasını təqdim edib.
