Hər il olduğu kimi, bu ildə Dünya ilin avtomobil mükafatları çərçivəsində müxtəlif nominasiyalar üzrə qaliblər açıqlanıb. Qeyd edək ki, 2024-cü ilin Dünya Avtomobil Mükafatları Nyu-York Avtomobil sərgisində öz sahiblarini tapıb. Elektrikli avtomobillər 5 nominasiya üzrə verilən mükafatlarda olduqca uğurlu nəticə əldə ediblər. İlk olaraq Dünyada ilin avtomobili 2024 mükafatının sahibi elektrikli Kia Ev9 olub.
Qeyd edək ki, Kia EV9 modeli həmçinin, Dünyada ilin elektrikli avtomobili 2024 mükafatını da əldə edib. Ümumiyyətlə, Kia EV9 modelinin 2 nominasiya üzrə mükafat əldə etməsi onun BYD Seal/Atto 4 və Volvo EX30-u ötməsi ilə bağlıdır. Habelə, EV9 böyük ölçüləri və üç sıra oturacaqları ilə Kia-nın uğurlu modelləri sırasındadır. Hyundai Qrupunun dəyərli avtomobili Hyundai Ioniq 5 N də Dünyada ilin performans avtomobili seçildi. Ioniq 5 N modeli də bu mükafatı BMW M2 və XM-i geridə qoymaqla qazanıb. İkili mühərriklə 641 at gücü hasil edə bilən Ioniq 5 N 100 km/saat sürətinə sadəcə 3.25 saniyəyə çata bilir.
Volvo EX30 modeli ilə BYD Dolphin və Lexus LBX kimi modelləri geridə qoyaraq Dünyada İlin Şəhər Avtomobili seçilib. Dünyada ilin lüks avtomobili mükafatını isə Mercedes E-Class və EQE SUV-ni geridə qoyaraq BMW i5/5-Series qazandı. Yenidən dizayn edilmiş sedan 255 at gücü hasil edən 2,0 litrlik dörd silindrli turbomühərrikə malikdir. Digər tərəfdən, tam elektriklə işləyən i5-in giriş səviyyəli modeli i5 eDrive40, 335 at gücü və 475 km məsafə qət etmə imkanı təqdim edir. Nəhayət, Toyota Prius, Ford Bronco və Ferrari Purosangue-i geridə qoyaraq Dünyada ilin avtomobil dizaynı mükafatını qazandı.
