Hyundai dedikdə ağlımıza ilk gələn şey avtomobillərdir. Xırda bir araşdırma ilə görə bilərsiniz ki, Hyundai Group holdinqi təxmin edəcəyinizdən belə çox sahədə fəaliyyət göstərir. Texnoloji avadanlıqlardan tutmuş, ağır sənaye avadanlıqlarına qədər çeşidli istehsal və xidmət sahəsi mövcuddur. Holdinq altında fəaliyyət göstərən bütün şirkətlər birbaşa Hyundai adıyla bağlantılı deyil. Lakin Hyundai Motors qədər əhəmiyyətli olan və onun kimi holdinqin adını daşıyan HD Hyundai Co., Ltd (Hyundai Heavy Industries Group) bölümləri artıq tarixin formalaşdırmış olduğu dayaqla birlikdə holdinq üçün xüsusi yerə malikdir. HD Hyundai şirkətinin əsas məqsədi gəmi, tikinti maşınları tipli texnikaları istehsal etməkdir. Məhz HD Hyundai şirkətinə aid Avikus brendi gəmilər üçün yarı avtonom idarə etmə texnologiyası olan HiNAS 2.0 sistemini hazırlayıb.
Avikus tərəfindən hazırlanmış yarı avtonom gəmilər necə işləyəcək?
HD Hyundai, Avikus tərəfindən hazırlanan yarı avtonom gəmilər artıq sınaq testlərindən keçirilib. Okeana çıxarlmış 180.000 kvadrat metr ölçülü nəhəng The Prism Courage adlı yük gəmisinə quraşdırılmış HiNAS 2.0 sistemi vasitəsilə yarı avtonom idarə etmənin praktikada necə işlədiyi öyrənilib. HiNAS 2.0 sistemi süni intellekt əsaslı işləmə prinsipinə malikdir. İkinci səviyyə avtonom idarə etmə qabiliyyətinə sahib HiNAS 2.0 sistemi marşrut üzərindəki digər gəmiləri, havanı, dalğa yüksəkliyini və.s analiz edərək nəqliyyat prosesini optimal şəkildə nizamlayır. Süni intellektin ən dəqiq hərəkət marşrutunu təyin etməsi imkan verir ki, yanacaq sərfiyyatı təqribi 7% azalsın. Nəticədə həm nəqliyyat prosesi daha tez tamamlanır, həm də okean daha az çirklənir.
Avikus lazımi sertifikatları aldıqdan sonra bu il ərzində HiNAS 2.0 texnologiyasını kommersiya üçün hazır vəziyyətə gətirməyi planlaşdırır. Gəmilərin avtonom idarə edilmə texnologiyaları bazarının hər il təqribi 12,6% böyüyərək qarşıdakı 5 il ərzində 235,7 milyard dollara çatacağı gözlənilir. Gələcəklə bağlı innovativ texnologiyalara ciddi yer ayıran holdinq, ötən il robot texnologiyaları hazırlamaqla məşğul olan Boston Dynamics firmasını da satın almışdı.
Nəyə görə tam yox, yarım avtonom?
Çünki, HiNAS 2.0 sisteminin avtonom naviqasiya texnologiyası nəqliyyat prosesini başdan sona qədər idarə edə bilmir. Açıq okean ərazisində test zamanı 20.000Km-lik marşrutun 50% hissəsində idarə etməni tamamilə ələ almışdır. Doğrudur ümumilikdə bütün marşruta süni intellektin, Avikus HiNAS 2.0 sisteminin nəzarət etməsi mümkün ola bilər. Lakin bəzi yerlərdə yenə də insana ehtiyac yaranır.
