Apple, ötən ay yeni smartfonunu və ağıllı saatını təqdim etmişdi. İndi isə şirkət M2 və Mini LED ekrana sahib iPad Pro modelini təqdim etməyə hazırlaşır. Bloomberg resursundan Mark Qurman təsdiqləyib ki, Apple bu gün yəni oktyabrın 18-də 2022 iPad Pro modelini nümayiş etdirməyi planlaşdırır.
Yeni iPad Pro hansı yeniliklərlə gələcək?
Yeni iPad Pro seriyasının 11 və 12,9 düymlük seçimlərlə təklif ediləcəyi gözlənilir. Bu, Apple şirkətinin bir il yarım ərzində iPad Pro seriyasına etdiyi ilk yenilik olacaq. Ən böyük yenilik, planşetlərin əvvəlki nəsillərlə müqayisədə təxminən 20% performans artımını təmin edəcək M2 prosessoru ilə təchiz olunmasıdır.
Texnologiya analtiki Ross Yang-ın sözlərinə görə 11 düymlük yeni iPad Pro modeli, Mini LED texnologiyası əvəzinə əvvəlki modellərlə eyni texnologiyaya sahib sadə LCD ekran ilə təqdim olunacaq. Mini LED texnologiyası isə 12,9 düymlük iPad Pro modelində istifadə olunacaq. Mini-LED panelli 2022-ci il istehsalı 12,9 düymlük iPad Pro modelinin maksimum parlaqlığı 1600 nit, kontrastı isə 1.000.000 : 1 nisbətində olacaq. Nəticədə görüntü keyfiyyəti olduqca yüksək olacaq.
Eyni mənbə həmçinin bildirir ki, Onuncu nəsil iPad isə yeni dizaynı, USB-C dəstəyi, A14 Bionic və ikinci nəsil Apple Pencil stilus dəstəyi ilə qarşımıza çıxacaq. iPad modellərinin üzlükləri isə artıq satışdadır.
Apple-ın sonuncu iPad seriyasının qiymətləri isə ötən illə müqayisədə dəyişməməlidir. Təqdimat və ya anonsun birdən-birə necə ortaya çıxacağı isə maraqlıdır. Əgər Apple şirkəti gün sonuna qədər yeni iPad modellərini çıxarmasa belə, ən gec qarşıdakı günlərdə yeni məhsullar nümayiş etdirilməlidir. Qeyd etdiyimiz kimi, Apple bu il həmçinin İPhone 14 seriyasını və Apple Watch 8 sersiyasını təqdim edib. Həmin cihazların təqdimat məqaləsi ilə aşağıdan tanış ola bilərsiniz.
