Çinin texnologiya nəhəngi olan Xiaomi brendi rəqiblərindən geri qalmamaq üçün yeni qatlana bilən Flip modelini hazırlayır. Belə məşhur Digital Chat Station mənbəsi iddia edib ki, texnologiya nəhəngi bazara yeni Flip modelini çıxaracaq. Qeyd edək ki, yeni smartfon Galaxy Z Flip 4 və Motorola Razr 40 Ultra kimi flaqmanlar ilə rəqabət aparacaq. Ümumiyyətlə son dövrlərdə bir çox smartfon brendi qatlanan bilən modellərə üstünlük verir. Qatlanan smartfonlara yəni Fold və Flip modellərinə isə tələb getdikcə artır. Ötən illərdə sadəcə konsept və xəyal kimi görünən qatlanan smartfonlar artıq bazarda ən çox satılan modellərə çevrilib.
Təbii ki, Xiaomi brendi trenddən geri qalmamaq üçün gec-tez qatlana bilən modelini təqdim edəcəkdi. Belə ki, texnologiya nəhəngi ötən aylarda Mix Fold 2 modelini təqdim etmişdi. Samsung brendinin Galaxy Z Fold 4 modeli ilə rəqabətə girən bu model olduqca uğurlu alınmışdı. Maraqlısı budur ki, Samsung şirkəti yaxın günlərdə Galaxy Z Flip 5 modelini təqdim edəcək. Xiaomi brendi də məhz bu təqdimatdan sonra yeni Flip modelini təqdim etməyə hazırlaşır. Sızdırılan render məlumatlarına əsasən yeni smartfon öz gücünü məhz Snapdragon 8 Gen 3 prosessorundan alacaq. Bundan əlavə nazik gövdəyə sahib olması gözlənilən modelin ön kamerası 4K keyfiyyətli videolar çəkə biləcək. Xatırladaq ki, bu funksiya yeni Civi modelində də var idi. 3 arxa kamera ilə təchiz edilməsi gözlənilən smarfon 2311BPN23C model nömrəsinə sahib olacaq.
İnsayder bildirir ki, Xiaomi Flip modelinin ən mühüm xüsusiyyəti məhz çox yüngül çəkisi olacaq. Bundan əlavə yeni smartfonun nazik gövdəyə sahib olması da gözlənilir. Çox güman ki, yeni smartfon Mix seriyasının davamı olaraq Mix Flip adlandırılacaq. Həmçinin qeyd etdiyimiz kimi, smartfon Samsung brendinin gələn aylarda keçirilməsi gözlənilən təqdimat tədbirindən sonra elan ediləcək. Qeyd edək ki, hələlik smartfonun sadəcə Çin üçün istehsal olunacağı gözlənilir. Həmçinin yeni flaqman modeli brendin Xiaomi 14 seriyası ilə birlikdə təqdim oluna bilər.
