Texnologiya nəhəngləri smartfonların performansını artırmaqla yetinməyib, onların dayanıqlılığını da artıracaq. Belə ki, Apple-dan sonra Xiaomi də yeni 14 Pro smartfonunu titan korpus ilə təchiz edə bilər və bu model ilk titan korpusa malik olan Android modeli ola bilər. Ümumiyyətlə son dövrlərdə dizayn cəhətdən daha cəlbedici göründüyü üçün bir çox texnologiya nəhəngi smartfonlarını şüşə korpus ilə təchiz edirdi. Lakin onların nəzərə almadıqları tək şey smartfonların dayanıqlılığı oldu. Bir çox istifadəçi bu addımdan şikayətləndi. Nəhayət texnologiya nəhəngləri fikirlərini dəyişərək daha dayanıqlı smartfon istehsal etməyə qərar verib.
Xatırladaq ki, ötən günlərdə iPhone 15 Pro seriyasının titan korpusla təchiz ediləcəyi iddia edilmişdi. Bu iddiadan bir neçə gün sonra isə Xiaomi 14 Pro modelinin də titan korpusa sahib olacağı ortaya çıxıb. Hətta bu barədə etibarlı mənbə hesab olunan Ice Universe məlumat verib. Əslində Xiaomi 14 Pro modelindən əvvəl Samsung brendinin yeni flaqman smartfonu olacaq Galaxy S24 Ultra modelinin bu korpusa sahib olacağı iddia edilmişdi. Lakin indi Xiaomi-nin Samsung brendini qabaqlayacağı gözlənilir.
Ümumiyyətlə Xiaomi 14 seriyasına 4 model əlavə olunacaq. Bunlar Xiaomi 14, 14 Pro, 14 Pro Plus və 14 Ultra modelləridir. Ice Universe mənbəsinə görə bu modellərdən sadəcə 14 Pro titan korpus ilə təchiz ediləcək. Məhz bu səbəbdən də Xiaomi 14 Pro ən bahalı Android smartfonlardan biri olacaq. Qeyd edək ki, eyni vəziyyət iPhone 15 Pro seriyası üçün də keçərlidir. Titan çox dayanıqlı və dəyərli olduğu üçün smartfonların qiyməti normaldan daha baha olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
