Xiaomi-nin maraqla gözlənilən telefonu Xiaomi Civi 4 Pro, rebrendinq edilmiş Xiaomi 14 Civi kimi debüt edəcək. Ötən ilin mart ayında Çində təqdim edilən Xiaomi Civi 4 Pro modeli Snapdragon 8s Gen 3, C8 OLED ekranı və digər xüsusiyyətləri ilə diqqəti cəlb etməyi bacarmışdı. İndi isə bu modelin qlobal bazara çıxacağı tarix məlum olub. Beləliklə, yeni smartfon indi daha fərqli ad ilə yaxın günlərdə təqdim ediləcək.
Bildiyiniz kimi, Xiaomi Civi 4 Pro, Xiaomi 13 Lite adı altında geniş istifadə olunan CIVI 2-dən fərqli olaraq, yalnız Çində satışa çıxarılıb. Bununla belə, əvvəllər smartfonun iki fərqli model nömrəsi olacağı bildirilmişdi, bunlardan biri “chenfeng” digəri isə “N9” idi. Bu yaxınlarda Xiaomi Hindistan, Xiaomi 14 Civi adlı yeni modelin iyunun 12-də təqdim ediləcəyini açıqlayıb. Paylaşılan tizer şəklinə baxdıqda bunun rebrendinq edilmiş Xiaomi Civi 4 Pro olduğunu görmək mümkündür. Smartfonun xüsusiyyətləri açıqlanmayıb. Bununla belə, biz Xiaomi Civi 4 modelinin xüsusiyyətlərinə yenidən nəzər sala bilərik.
Xatırladaq ki, Civi 4 Pro Snapdragon 8s Gen 3 ilə təchiz edilmiş ilk smartfon olmuşdu. nm arxitektura ilə istehsal edilən çipsetdə; 3,01 GHz tezliyində işləyən Cortex-X4 əsas, 2,8 GHz tezliyində işləyən dörd Cortex-A720 performans nüvəsi və 1,84 GHz tezliyində işləyən üç Cortex-A520 səmərəli nüvəsi var. Ölçüləri 157,2 × 72,77 × 7,45 mm və çəkisi 179,3 qr olan telefon, ön tərəfdə 6,55 düymlük AMOLED (120Hz, FHD+) ekran, 50MP + 50MP + 12MP kamera, 32MP ön kamera ilə təchiz edilmişdi. Habelə, qiyməti 417 dollardan başlayan cihaz 67 Vt şarj sürətli 4700 mAs batareya həcminə də sahib olmuşdu.
