Çin mənşəli WekiHome YouTube kanalı Xiaomi 12S Ultra modelini parçalarına ayırıb. Sizlərdən birinin yazdığı “Kameranın telefonu var” rəyinə uyğun gələn kamera modulu və smartfonun digər detalları bu video vasitəsilə ortaya çıxıb. Beləliklə, hazırlanmış video Xiaomi 12S Ultra modelinin 1 düymlük nəhəng kamerası cihazda nə qədər yer tutub sualına cavab olacaq.
![xiaomi 12s ultra parçalandı](https://tedroid.com/media/2022/07/xiaomi-12s-ultra-parcalandi-1024x768.jpg)
1 yuan ilə müqayisədə daha böyük olan 50MP IMX989 sensoru kamera modulunun solunda yerləşir. Xiaomi 12S Ultra modelinin dizaynını xatırlayırsınızsa tam ortada yerləşən kameranın əsas sensor olduğunu düşünə bilərsiniz, lakin yanılırsınız. Ortada ultra-geniş bucaqlı 48MP IMX586 sensoru yerləşir. Aşağı hissə isə 5 qat optik yaxınlaşdırma edən periskopik telefoto kamerasına ayrılıb. Həmin kamera da 48MP təsvir ölçülü IMX586 ilə gücləndirilib
![xiaomi 12s ultra 11mm](https://tedroid.com/media/2022/07/xiaomi-12s-ultra-11mm-kamera-1024x768.jpg)
Kamera modulunun qalnlığı 11.06 mm təşkil edir. Buna görə də cihazın arxa tərəfində qalın bir çıxıntı yaranıb. Smartfonun gövdə qalınlığı 9.1 mm ilə müqayisədə kamera 1 düymlük kamera modulunun 2 mm daha qalın olması xeyli diqqət çəkir.
![12s ultra imx 989](https://tedroid.com/media/2022/07/xiaomi-12s-ultra-imx989-1024x768.jpg)
Təəssüf ki, Xiaomi 12S Ultra modelinin nəhəng kamerası da 1 düymlük sensordan 100% effektivliklə yararlanmağa kifayət etmir. Sensorun müəyyən faizlik hissəsi modul daxilində “itir“. Bu da bir növ xəta payı yaradır. Lakin bu nüans yenə də texniki cəhətdən ən güclü cihazın Xiaomi 12S Ultra olduğu həqiqətini dəyişmir.
![xiaomi 12s ultra arxa paneli](https://tedroid.com/media/2022/07/xiaomi-12s-ultra-arxa-paneli-1024x768.jpg)
Videonun digər hissələrində smartfonun ana lövhəsini, mis tərkibli xüsusi soyutma texnologiyasını və digər komponentlərini görmək olur. WekiHome, soyutma sisteminin daxilindəki detallara qədər hər şeyi videoda nümayiş etdirib. Həmin detallarla tanış olmaq üçün məqalənin sonundakı YouTube videosunu izləyə bilərsiniz. Əlavə olaraq Xİaomi 12S seriyası ilə də saytımızdan tanış ola bilərsiniz.
![12s ultra kamera modulu](https://tedroid.com/media/2022/07/xiaomi-12s-ultra-kamera-modulu-1024x768.jpg)
![12s ultra komponentləri](https://tedroid.com/media/2022/07/xiaomi-12s-ultra-detallari-1024x768.jpg)